ചോദിച്ചത് രണ്ട് കോടി; അഡ്വാൻസ് രണ്ട് ലക്ഷം; പണം കൈമാറുന്നതിനിടെ പനമ്പിള്ളി നഗറില്‍ വിജിലൻസെത്തി; ഇഡി കേസ് ഒതുക്കാൻ കോഴ ആവശ്യപ്പെട്ട കേസില്‍ രണ്ട് പേർ പിടിയില്‍

കൊച്ചി: ഇഡി കേസ് ഒതുക്കാൻ കോഴ ആവശ്യപ്പെട്ട കേസില്‍ രണ്ട് പേർ കൊച്ചിയില്‍ വിജിലൻസ് പിടിയില്‍.

ഇഡി ചോദ്യം ചെയ്ത കൊല്ലം സ്വദേശിയായ കശുവണ്ടി വ്യാപാരിയില്‍ നിന്ന് പണം തട്ടാൻ ശ്രമം നടത്തിയ സംഭവത്തിലാണ് 2 പേരെ വിജിലൻസ് പിടികൂടിയിരിക്കുന്നത്.
തമ്മനം സ്വദേശി വില്‍‌സണ്‍, രാജസ്ഥാൻ സ്വദേശി മുരളി എന്നിവരാണ് പിടിയിലായത്.

ഇഡി കേസ് ഒതുക്കാൻ രണ്ട് കോടിയാണ് ഇവർ ആവശ്യപ്പെട്ടത്. അഡ്വാൻസ് തുകയായി 2 ലക്ഷം വേണമെന്നും ആവശ്യപ്പെട്ടു. അഡ്വാൻസ് തുക കൈമാറുന്നതിനിടെയാണ് പനമ്പിള്ളി നഗറില്‍ വെച്ച്‌ ഇവർ പിടിയിലാകുന്നത്.

സംഭവത്തിന് പിന്നില്‍ ആരൊക്കെയന്ന് അന്വേഷണം നടന്നുകൊണ്ടിരിക്കുകയാണ്. ഇഡി കേസ് ഉള്ള കാര്യം പ്രതികള്‍ എങ്ങനെ അറിഞ്ഞുവെന്നതിലു അന്വേഷണം നടത്തുമെന്ന് വിജിലൻസ് അറിയിച്ചു.