അപകടത്തിൽ പരിക്കേറ്റ യുവതിയ്ക്ക് ശസ്ത്രക്രിയ നടത്തുന്നതിന് 3000 രൂപ കൈക്കൂലി; തൃശൂർ മെഡിക്കൽ കോളജിലെ ഡോക്ടർ വിജിലൻസ് പിടിയിൽ

സ്വന്തം ലേഖകൻ

തൃശൂർ: ശസ്ത്രക്രിയയ്ക്ക് കൈക്കൂലി വാങ്ങുന്നതിനിടെ തൃശൂർ മെഡിക്കൽ കോളജിലെ ഡോക്ടർ വിജിലൻസ് പിടിയിലായി.

ഓർത്തോ വിഭാഗത്തിലെ ഡോ.ഷെറിൻ ഐസക് ആണ് വിജിലൻസ് പിടിയിലായത്. ഇയാൾ അപകടത്തിൽ പരിക്കേറ്റ യുവതിയിൽ നിന്നും 3000 രൂപയാണ് കൈക്കൂലിയായി ആവശ്യപ്പെട്ടത്.

അപകടത്തിൽ പരിക്കേറ്റ യുവതിയുടെ ശസ്ത്രക്രിയക്കാണ് പണം വാങ്ങിയത്. 3000 രൂപ കൈക്കൂലി വാങ്ങിയെന്ന പാലക്കാട് സ്വദേശിയുടെ പരാതിയിൽ ആണ് ഡോക്ടറെ അറസ്റ്റ് ചെയ്തത്.