ടേസ്റ്റി ബ്രേക്ക് ഫാസ്റ്റ് ഞൊടിയിടയിൽ;കുറഞ്ഞ ചേരുവ കൊണ്ടൊരുക്കാം കുഞ്ഞപ്പം

നിത്യവും ദോശയും പുട്ടും കഴിച്ചു മടുത്തോ. വെറൈറ്റി ആയി ഒരു
ടേസ്റ്റി ബ്രേക്ക് ഫാസ്റ്റ് തയ്യാറാക്കി നോക്കാം കുറഞ്ഞ ചേരുവ കൊണ്ടു കുഞ്ഞപ്പം. രാവിലത്തേക്കു കിടിലൻ ബ്രേക്ക് ഫാസ്റ്റ്. വ്യത്യസ്തങ്ങളായ രുചിക്കൂട്ടുകൾ പരീക്ഷിക്കുന്നവർക്ക് ഇഷ്ടപ്പെടും രുചി.

ചേരുവകൾ
•അരിപ്പൊടി – ഒരു കപ്പ്
•തേങ്ങാ ചിരകിയത് – കാൽ കപ്പ്
•കോഴിമുട്ട – 1 എണ്ണം
•ഇളം ചൂടു വെള്ളം – 1 കപ്പ്
•യീസ്റ്റ് – 1/4 ടീസ്പൂൺ
•പഞ്ചസാര – 1 ടീസ്പൂൺ
•ഉപ്പ് – ആവശ്യത്തിന്

ചേരുവകൾ എല്ലാം തയ്യാറാക്കി വച്ചാൽ വെറും 2 മിനിറ്റു മതി.
•മിക്സിയുടെ ഒരു ജാറിലേക്ക് എല്ലാ ചേരുവകളും ചേർത്തു നന്നായി അടിച്ചെടുക്കുക. ദോശമാവിനേക്കാൾ ലൂസ് ബാറ്റർ തയാറാക്കണം.
•ഇനി ഇത് ഉണ്ണിയപ്പ ചട്ടിയിൽ കോരി ഒഴിച്ചു തിരിച്ചും മറിച്ചും ഇട്ട് ചുട്ടെടുക്കാം. തേങ്ങാപ്പാൽ കൂട്ടി കഴിക്കാം.