വെള്ളത്തിനു വിലയിടാന് സംസ്ഥാന സര്ക്കാരിന് എന്ത് അധികാരം? കുപ്പിവെള്ളത്തിന് 13 രൂപ; സര്ക്കാര് ഉത്തരവിന് സ്റ്റേ; വിലയിടാന് അധികാരം കേന്ദ്രത്തിനെന്ന് ഹൈക്കോടതി
സ്വന്തം ലേഖകൻ
കൊച്ചി: സംസ്ഥാനത്ത് കുപ്പിവെള്ളത്തിന്റെ വില പതിമൂന്നു രൂപയായി നിശ്ചയിച്ച സര്ക്കാര് ഉത്തരവ് ഹൈക്കോടതി സ്റ്റേ ചെയ്തു.
വെള്ളത്തിനു വിലയിടാന് സംസ്ഥാന സര്ക്കാരിന് അധികാരമില്ലെന്നു ചൂണ്ടിക്കാട്ടിയാണ് നടപടി.
Whatsapp Group 1 | Whatsapp Group 2 |Telegram Group
അവശ്യസാധന വില നിയന്ത്രണ നിയമപരിധിയില് ഉള്പ്പെടുത്തിയാണ്, കുപ്പിവെള്ളത്തിനു വില നിശ്ചയിച്ച് സര്ക്കാര് ഉത്തരവ് പുറപ്പെടുവിച്ചത്. ഇതിനെ ചോദ്യം ചെയ്തു കുപ്പിവെള്ള ഉത്പാദകരുടെ സംഘടന സമര്പ്പിച്ച ഹര്ജിയാണ് ഹൈക്കോടതിയുടെ പരിഗണനയില് ഉള്ളത്.
വെള്ളത്തിനു വില നിശ്ചയിക്കാനുള്ള അധികാരം കേന്ദ്ര സര്ക്കാരിനാണെന്ന ചൂണ്ടിക്കാട്ടിയ കോടതി, വിഷയത്തില് കേന്ദ്രത്തിന്റെ നിലപാടു തേടി.
തോന്നുന്ന വിലയ്ക്ക് കുപ്പിവെള്ളം വില്ക്കുന്നതിനെതിരെ വ്യാപക പരാതി ഉയര്ന്നതിനെ തുടര്ന്നാണ് സംസ്ഥാന സര്ക്കാര് ഉത്തരവിറക്കിയത്. നേരത്തെ കുപ്പിവെള്ളത്തിന് 12 രൂപ ആക്കാന് കേരള ബോട്ടില്ഡ് വാട്ടര് മാനുഫാക്ചറേഴ്സ് അസോസിയേഷന് ശ്രമിച്ചെങ്കിലും നടപ്പിലായിരുന്നില്ല.