ഡൽഹി: കേന്ദ്ര സായുധ സേനകളില്‍ ജോലി ആഗ്രഹിക്കുന്നവര്‍ക്ക് അവസരമൊരുക്കി ബോര്‍ഡര്‍ സെക്യൂരിറ്റി ഫോഴ്‌സ് (BSF). കോണ്‍സ്റ്റബിള്‍ ട്രേഡ്‌സ്മാന്‍ തസ്തികയിലേക്കാണ് പുതിയ റിക്രൂട്ട്‌മെന്റ്.
ആകെ 3588 ഒഴിവുകളാണുള്ളത്. താല്‍പര്യമുള്ളവര്‍ക്ക് ബിഎസ്‌എഫിന്റെ ഔദ്യോഗിക വെബ്‌സൈറ്റ് സന്ദര്‍ശിച്ച്‌ ഓണ്‍ലൈന്‍ അപേക്ഷ നല്‍കാം.
അവസാന തീയതി: ആഗസ്റ്റ് 26
Whatsapp Group 1 | Whatsapp Group 2 |Telegram Group
തസ്തിക & ഒഴിവ്
ബോര്‍ഡര്‍ സെക്യൂരിറ്റി ഫോഴ്‌സില്‍ കോണ്‍സ്റ്റബിള്‍ ട്രേഡ്‌സ്മാന്‍ റിക്രൂട്ട്‌മെന്റ്. ആകെ ഒഴിവുകള്‍ 3588.
പുരുഷന്‍മാര്‍ക്ക് 3406 ഒഴിവുകളും, വനിതകള്‍ക്ക് 182 ഒഴിവുകളുമുണ്ട്. ഒഴിവുള്ള ട്രേഡുകള്‍ –
കുക്ക്
ടെയ്‌ലര്‍
കോബ്ലര്‍
വാഷര്‍മാന്‍
സ്വീപ്പര്‍
വാട്ടര്‍ കാരിയര്‍
ബാര്‍ബര്‍
കാര്‍പെന്റര്‍
പ്ലംബര്‍
ശമ്പളം
തെരഞ്ഞെടുക്കപ്പെടുന്നവര്‍ക്ക് ഏഴാം ശമ്പള കമ്മീഷന്‍ പ്രകാരം ലെവല്‍ 3 വിഭാഗത്തില്‍ പ്രതിമാസം 21,700 രൂപമുതല്‍ 69100 രൂപവരെ ശമ്പളമായി ലഭിക്കും.
പ്രായപരിധി
18നും 25നും ഇടയില്‍ പ്രായമുള്ളവര്‍ക്കാണ് അവസരം. പ്രായം 2025 ആഗസ്റ്റ് 25 അടിസ്ഥാനമാക്കി കണക്കാക്കും. എസ്.സി, എസ്.ടി 5 വര്‍ഷവും, ഒബിസി 3 വര്‍ഷവും വയസിളവ് അനുവദിക്കും.
യോഗ്യത
അംഗീകൃത ബോര്‍ഡിന് കീഴില്‍ നിന്ന് പത്താം ക്ലാസ് വിജയിച്ചിരിക്കണം.
ബന്ധപ്പെട്ട ട്രേഡുകളില്‍ ഐടി ഐ സര്‍ട്ടിഫിക്കറ്റും ആവശ്യമാണ്.
തെരഞ്ഞെടുപ്പ്
ഫിസിക്കല്‍ എഫിഷ്യന്‍സി ടെസ്റ്റ്, എന്‍ഡ്യൂറന്‍സ് ടെസ്റ്റ്, ഡോക്യുമെന്റ് വെരിഫിക്കേഷന്‍ എന്നിവ നടത്തിയാണ് തെരഞ്ഞെടുപ്പ് നടത്തുക.
അപേക്ഷ
താല്‍പര്യമുള്ള ഉദ്യോഗാര്‍ഥികള്‍ ബിഎസ്‌എഫിന്റെ ഔദ്യോഗിക വെബ്‌സൈറ്റ് സന്ദര്‍ശിക്കുക. ശേഷം റിക്രൂട്ട്‌മെന്റ് പേജില്‍ നിന്ന് കോണ്‍സ്റ്റബിള്‍ -ട്രേഡ്‌സ്മാന്‍ തിരഞ്ഞെടുത്ത് നേരിട്ട് അപേക്ഷിക്കുക. വിശദമായ വിജ്ഞാപനം വായിച്ച്‌ സംശയങ്ങള്‍ തീര്‍ക്കുക.
ജനറല്‍/OBC/EWS: 100 രൂപ + 18% GST (കോമണ്‍ സർവീസ് സെന്റർ വഴിയുള്ള സർവീസ് ചാർജ്) എന്നിങ്ങനെയാണ് അപേക്ഷാ ഫീസ്. SC/ST/വനിതകള്‍/ബിഎസ്‌എഫ് ജീവനക്കാർ/മുൻ സൈനികർ: ഫീസ് ഒഴിവാക്കിയിട്ടുണ്ട്. പേയ്മെന്റ് മോഡ്: നെറ്റ് ബാങ്കിംഗ്, ക്രെഡിറ്റ്/ഡെബിറ്റ് കാർഡ്, UPI, അല്ലെങ്കില്‍ അടുത്തുള്ള കോമണ്‍ സർവീസ് സെന്റർ വഴി.
വെബ്‌സൈറ്റ്: https://rectt.bsf.gov.in/
