എല്ലുകളുടെ ആരോഗ്യം നിലനിർത്താൻ ഏറ്റവും ഫലപ്രദമായ ഭക്ഷണങ്ങളിലൊന്നാണ് കോട്ടേജ് ചീസ്. 50 വയസ്സിന് ശേഷമുള്ളവർക്ക് അസ്ഥി സാന്ദ്രത വേഗത്തില് കുറയാൻ തുടങ്ങും, ഇതോടെ ഓസ്റ്റിയോപീനിയയും ഓസ്റ്റിയോപൊറോസിസും പോലുള്ള രോഗങ്ങള്ക്ക് സാധ്യത കൂടി വരും.
പ്രത്യേകിച്ച്, ആർത്തവവിരാമത്തിനു ശേഷമുള്ള സ്ത്രീകള്ക്ക് തുടർന്നുള്ള വർഷങ്ങളില് അസ്ഥി സാന്ദ്രതയുടെ 20% വരെ നഷ്ടപ്പെടാമെന്ന് ബോണ് ഹെല്ത്ത് ആൻഡ് ഓസ്റ്റിയോപൊറോസിസ് ഫൗണ്ടേഷൻ മുന്നറിയിപ്പ് നല്കുന്നു.
കോട്ടേജ് ചീസ് പ്രോട്ടീനും കാല്സ്യവും ലഭ്യമാക്കുന്ന മികച്ച ഭക്ഷണമാണ് എന്ന് യേല് സ്കൂള് ഓഫ് മെഡിസിനിലെ ഓർത്തോപീഡിക് വിദഗ്ധനായ ഡാനിയേല് വിസ്നിയ വ്യക്തമാക്കുന്നു. കൂടാതെ, അസ്ഥി ധാതു സാന്ദ്രത നിലനിർത്തുന്നതില് സെലിനിയവും പ്രധാന പങ്കുവഹിക്കുന്നുവെന്ന് അദ്ദേഹം ചൂണ്ടിക്കാട്ടുന്നു.
Whatsapp Group 1 | Whatsapp Group 2 |Telegram Group
അസ്ഥികളുടെ ആരോഗ്യം അത്യന്തം നിർണായകമാണ്, കാരണം ഈ ശക്തി കുറഞ്ഞാല് ഒടിവുകള്ക്കും മറ്റ് ഗുരുതര സങ്കീർണതകള്ക്കും സാധ്യത ഉയരുമെന്നാണ് വിദഗ്ധർ പറയുന്നത്.
കോട്ടേജ് ചീസില് കാല്സ്യം, പ്രോട്ടീൻ, മഗ്നീഷ്യം, സെലിനിയം എന്നിവ ധാരാളമായി അടങ്ങിയിരിക്കുന്നു. ഇവയെല്ലാം ചേർന്നാണ് അസ്ഥികളുടെ ബലം വർദ്ധിപ്പിക്കുകയും സാന്ദ്രത നിലനിർത്തുകയും ചെയ്യുന്നത്. കൂടാതെ, ഇലക്കറികള്, കൊഴുപ്പുള്ള മത്സ്യം, കുരുക്കള്, ഫ്ലാക്സ് സീഡ്, ചിയ സീഡ്, മുട്ട എന്നിവയും അസ്ഥി ആരോഗ്യത്തെ മികച്ച രീതിയില് പിന്തുണയ്ക്കുന്ന ഭക്ഷണങ്ങളാണ്.
ഇവയില് അടങ്ങിയിരിക്കുന്ന അധിക കാല്സ്യം, മഗ്നീഷ്യം, വിറ്റാമിൻ ഡി, ആന്റിഓക്സിഡന്റുകള് തുടങ്ങിയവ അസ്ഥികളെ കൂടുതല് ശക്തവും ആരോഗ്യകരവുമായി മാറ്റുന്നു.
