പറമ്പ് വൃത്തിയാക്കുന്നതിനിടെ ബോംബുകൾ കണ്ടെത്തി: പോലീസും ഡോഗ് – ബോംബ് സ്‌ക്വാഡുകളും സ്ഥലത്തെത്തി.

പാനൂർ: പാനൂരില്‍ രണ്ട് സ്റ്റീല്‍ ബോംബുകള്‍ കണ്ടെത്തി.

പാനൂർ പൊലീസ് സ്റ്റേഷൻ പരിധിയിലെ മുളിയാത്തോടാണ് ഇവ കണ്ടെത്തിയത്.

സ്ഥലമുടമയായ യു.പി അനീഷ് തൊഴിലാളികളുമായി പറമ്പ് വൃത്തിയാക്കാനെത്തിയപ്പോഴാണ് ഇവ കണ്ടത്.

ഉടൻ പാനൂർ പൊലീസ് സ്റ്റേഷനില്‍ വിവരമറിയിക്കുകയായിരുന്നു. സ്ഥലത്ത് പൊലീസ്

പരിശോധന നടത്തുകയാണ്. ഡോഗ് – ബോംബ് സ്‌ക്വാഡുകളും സ്ഥലത്തെത്തി. 2024 ഏപ്രിലില്‍

സി.പി.എം പ്രവർത്തകൻ ബോംബ് സ്ഫോടനത്തില്‍ കൊല്ലപ്പെട്ട സ്ഥലമാണിത്. മൂന്ന് പേർക്ക്

സ്ഫോടനത്തില്‍ പരുക്കേറ്റിരുന്നു.