വിമാനത്തിൽ ബോംബ് വെച്ചതായി സന്ദേശം, ഡോഗ് സ്ക്വാഡിന്റെ പരിശോധനയിൽ സന്ദേശം വ്യാജമെന്ന് നി​ഗമനം

മലപ്പുറം∙ കരിപ്പൂർ വിമാനത്താവളത്തിലെ വിമാനത്തിൽ ബോംബ് വെച്ചതായി സന്ദേശം.

ഷാർജയിലേക്കുള്ള എയർ അറേബ്യ വിമാനത്തിലെ സീറ്റിൽനിന്നു കുറിപ്പ് ലഭിക്കുകയായിരുന്നു. തുടർന്നു ഡോഗ് സ്ക്വാഡ് എത്തി പരിശോധന നടത്തിയങ്കിലും ഒന്നും കണ്ടെത്താനായില്ല.

ഭീഷണി വ്യാജമാണെന്നാണു പ്രാഥമിക നിഗമനം.

രാവിലെ അഞ്ചുമണിയോടെ പുറപ്പെടേണ്ടതായിരുന്നു വിമാനം. പരിശോധനകൾക്ക് ശേഷം ഉടൻ പുറപ്പെടുമെന്നാണ് വിവരം.