ബോയിംഗ് 737 മാക്സ് വിമാനങ്ങൾ തിരിച്ചുവരുന്നു

സ്വന്തം ലേഖകൻ

മുംബൈ: ഈ വർഷം പകുതിയോടെ ബോയിംഗ് 737 മാക്സ് വിഭാഗത്തിൽപ്പെട്ട വിമാനങ്ങൾ തിരിച്ചുവരുമെന്ന് ബോയിംഗ് വിമാനക്കമ്പനി.
‘സുരക്ഷിതമായ ഒരു തിരിച്ചുവരവിനാണ് ഞങ്ങൾ ശ്രമിക്കുന്നത്. അത് സാധ്യമാകുമെന്ന കാര്യത്തിൽ ആത്മവിശ്വാസവുമുണ്ട്.

കമ്പനിയുടെ ഭാഗത്തുനിന്നുണ്ടായ വീഴ്ചകളിൽ ഖേദം പ്രകടിപ്പിക്കുന്നു, ബോയിംഗ് വ്യക്തമാക്കി. എത്യോപ്യൻ വിമാന അപകടത്തിന്റെ പശ്ചാത്തലത്തിലാണ് 737 മാക്സ് വിഭാഗത്തിൽപ്പെട്ട വിമാനങ്ങൾ ബോയിംഗ് താൽകാലികമായി നിർത്തിവച്ചത്. ഒരു വർഷത്തിനിടെ നടന്ന രണ്ട് അപകടങ്ങളിലായി 346 പേരാണ് കൊല്ലപ്പെട്ടത്.