തിരുവനന്തപുരം: ശബരിമല സ്വര്ണ്ണക്കൊള്ളയില് പ്രതിഷേധിച്ച് മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിനു മുന്നില് ബിജെപി അയ്യപ്പ ജ്യോതി തെളിയിച്ചു.ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര് ഉദ്ഘാടനം ചെയ്തു.
നാടിന്റെ വിശ്വാസവും സംസ്കാരവും നശിപ്പിക്കാന് അനുവദിക്കില്ല.ശബരിമലയുടെ പേരില് അന്ന് രാഷ്ട്രീയം നടത്തിയ സിപിഎമ്മും കോണ്ഗ്രസും ഇന്നും ആ രാഷ്ട്രീയം തുടരുകയാണെന്ന് രാജീവ് ചന്ദ്രശേഖര് പറഞ്ഞു.
പുണ്യക്ഷേത്രമായ ശബരിമലയില് സ്വര്ണം കൊള്ളയടിച്ചിട്ട് ആറുമാസം കഴിഞ്ഞു. എന്നിട്ടും ഈ കൊള്ളയ്ക്ക് പിന്നില് ആരാണെന്ന് കണ്ടെത്താന് എസ്ഐടിക്ക് ആയിട്ടില്ലെന്നും അദ്ദേഹം പറഞ്ഞു. ജനങ്ങളുടെ ശ്രദ്ധതിരിക്കാന് വേണ്ടിയാണ് തന്ത്രിയെ അറസ്റ്റ് ചെയ്തത്.
Whatsapp Group 1 | Whatsapp Group 2 |Telegram Group
പിന്നെ എന്തിനാണ് തന്ത്രിയെ അറസ്റ്റുചെയതതെന്നും രാജീവ് ചന്ദ്രശേര് പറഞ്ഞു. ജനങ്ങളെ വിഢിയാക്കാന് മുഖ്യമന്ത്രി എന്ത് തന്ത്രം പയറ്റിയാലും ബിജെപി അനുവദിക്കില്ല.
ശബരിമല കേസ് സിബിഐയെ ഏല്പ്പിക്കണമെന്നും 2018ല് കൊടുത്ത സത്യവാങ്മൂലം തിരുത്തണമെന്നും വിശ്വാസ സംരക്ഷത്തിനായി സമരം ചെയ്തവരുടെ പേരിലെടുത്ത കള്ളക്കേസുകള് പിന്വലിക്കണമെന്നും ‘അയ്യപ്പജ്യോതി’ ഉദ്ഘാടനം ചെയ്തുകൊണ്ട് രാജീവ് ചന്ദ്രശേഖര് പറഞ്ഞു.
സ്വര്ണ്ണക്കൊള്ളയുടെ പേരില് ശബരിമല തന്ത്രിയെ നിയമസഭയിലടക്കം അപമാനിച്ചവരാണ് കേരളത്തിലെ ഭരണപക്ഷവും പ്രതിപക്ഷവുമെന്ന് മുന് കേന്ദ്രമന്ത്രി വി മുരളീധരന്.
കടകംപള്ളി സുരേന്ദ്രനേയും അടൂര് പ്രകാശിനെയും രഹസ്യമായി ചോദ്യം ചെയ്തത് എസ്ഐടി, വിവരങ്ങള് ചോദിച്ചറിയാന് വിളിച്ച ശബരിമല തന്ത്രിയെ 41 ദിവസം പിടിച്ച് ജയിലിലിട്ടെന്നും മുരളീധരന് പറഞ്ഞു. എസ്ഐടിയെ നിയന്ത്രിക്കുന്നത് ആരാണ്.
തന്ത്രിക്ക് ജാമ്യം ലഭിച്ച ശേഷവും സിപിഎം നേതാക്കള് തന്ത്രിയെ ലക്ഷ്യം വെയ്ക്കുന്നു. തന്ത്രി പെരുംകള്ളന് ആണെന്ന് പറഞ്ഞ സിപിഎം സെക്രട്ടറി കടകംപള്ളിക്ക് ഗുഡ് സര്ട്ടിഫിക്കറ്റ് കൊടുത്ത ആളാണ്.
