എറണാകുളം : സംസ്ഥാന ബിജെപി അധ്യക്ഷ സ്ഥാനത്തു നിന്നും കെ സുരേന്ദ്രനെ നീക്കിയേക്കുമെന്ന റിപ്പോര്‍ട്ടുകള്‍ തള്ളി കോര്‍ കമ്മറ്റി അംഗം ശോഭ സുരേന്ദ്രന്‍ രംഗത്ത്.നിലവിലെ നേതൃത്വം തന്നെ തുടരും. പാർട്ടി സംസ്ഥാന അധ്യക്ഷൻ മികച്ച രീതിയില്‍ പ്രവർത്തിക്കുന്നു എന്ന് കേരള പ്രഭാരി തന്നെ പറഞ്ഞിട്ടുണ്ട്.ബിജെപി ഇരുമ്പ് മറയുള്ള പാർട്ടി അല്ല. തോല്‍വി ആണെങ്കിലും വിജയം ആണെങ്കിലും ചർച്ച ചെയ്യും. പാർട്ടിയില്‍ കൂടുതല്‍ വിഭഗീയത ഉണ്ടെന്ന് വരുത്തി തീർക്കാൻ ചില മാധ്യമങ്ങള്‍ ശ്രമിക്കുന്നുണ്ടെന്നും ശോഭ സുരേന്ദ്രൻ പറഞ്ഞു.
എന്നാല്‍, അപ്പോള്‍ നിലവില്‍ ബിജെപിയില്‍ വിഭാഗീയത ഉണ്ടോ എന്ന ചോദ്യത്തിന് ശോഭ സുരേന്ദ്രൻ മറുപടി നല്‍കാതെ ഒഴിഞ്ഞ് മാറുകയാണ് ചെയ്തത്.ബിജെപി സംസ്ഥാന കോർ കമ്മിറ്റി യോഗം കൊച്ചിയില്‍ ചേരുകയാണ്.പാലക്കാട് ഉപതിരഞ്ഞെടുപ്പ് പരാജയം സംബന്ധിച്ച ജില്ലാ ഘടകത്തിന്‍റെ റിപ്പോർട്ട് യോഗത്തില്‍ ചർച്ചയാകും. പഞ്ചായത്ത് തിരഞ്ഞെടുപ്പിന്‍റെ മുന്നൊരുക്കങ്ങളും വിലയിരുത്തും. സംസ്ഥാനത്തിന്‍റെ ചുമതലയുള്ള ബിജെപി പ്രഭാരി പ്രകാശ് ജാവദേക്കറിന്‍റെ സാന്നിധ്യത്തിലാണ് യോഗം ചേരുന്നത്.
