റോഡ് നിര്‍മാണ പ്രവര്‍ത്തനങ്ങള്‍ വിലയിരുത്താന്‍ എത്തി; ജില്ലാ പഞ്ചായത്ത് പൊതുമരാമത്ത് സ്റ്റാന്‍ഡിംഗ് കമ്മിറ്റി അംഗത്തിന് ബിജെപി പഞ്ചായത്ത് അംഗത്തിന്റെ വക ഭീഷണി
സ്വന്തം ലേഖകൻ
വൈക്കം: റോഡ് നിര്‍മാണ പ്രവര്‍ത്തനങ്ങള്‍ വിലയിരുത്താന്‍ എത്തിയ ജില്ലാ പഞ്ചായത്ത് പൊതുമരാമത്ത് സ്റ്റാന്‍ഡിംഗ് കമ്മിറ്റി അംഗത്തിന് ബിജെപി പഞ്ചായത്ത് അംഗത്തിന്റെ വക ഭീഷണി.
തലയാഴം പഞ്ചായത്തിലൈ ആലത്തൂര്‍ – കണ്ടംതുരുത്ത് റോഡ് ടാറിംഗുമായി ബന്ധപ്പെട്ട് തലയാഴം പഞ്ചായത്തിലെ ബിജെപി അംഗം പ്രീജു ജില്ലാ പഞ്ചായത്ത് അംഗം ഹൈമി ബോബിക്കെതിരേ ആക്രമണ ഭീഷണി മുഴക്കിയതായി പരാതി. ജില്ലാ പഞ്ചായത്ത് പൊതുമരാമത്ത് സ്റ്റാന്‍ഡിംഗ് കമ്മിറ്റി അംഗമായ ജില്ലാ പഞ്ചായത്ത് തലയാഴം ഡിവിഷന്‍ മെംബര്‍ ഹൈമി ബോബി കഴിഞ്ഞ ദിവസം റോഡ് ടാറിംഗ് വിലയിരുത്താന്‍ എത്തിയിരുന്നു.
Whatsapp Group 1 | Whatsapp Group 2 |Telegram Group
കഴിഞ്ഞ ജില്ലാ പഞ്ചായത്ത് ഭരണസമിതി അനുവദിച്ച 16 ലക്ഷം രൂപയുടെ റോഡ് ടാറിംഗാണ് നടന്നു വന്നത്. റോഡ് നിര്‍മാണ പ്രവര്‍ത്തനങ്ങള്‍ വിലയിരുത്താന്‍ ഹൈമി എത്തിയപ്പോള്‍ ബിജെപി പഞ്ചായത്ത് അംഗം ഭീഷണി മുഴക്കിയെന്നാണ് ആരോപണം.
സംഭവവുമായി ബന്ധപ്പെട്ട് ഹൈമി ബോബി ജില്ലാ പോലീസ് ചീഫിനു പരാതി നല്‍കി.
