വനിതാ സംരഭകയ്ക്കു നേരെ ബിജെപി വാർഡ് മെമ്പറുടെ കൈയ്യേറ്റശ്രമം

സ്വന്തം ലേഖകൻ

കുമരകം : കുമരകം അക്ഷയ സെന്റെർ വനിത സംരഭകയായ കമ്പിയിൽ സ്വപ്ന ബാബുവിന് നേരെ കുമരകം ഒൻപതാം വാർഡ് ബി ജെ പി പഞ്ചായത്തംഗം പി.കെ സേതു കൈയ്യേറ്റശ്രമം നടത്തി.

അപേക്ഷയിൽ അനുബന്ധമായി വയ്ക്കേണ്ട രേഖകളെ ചൊല്ലിയാണ് പഞ്ചായത്തംഗം അക്ഷയ സെന്ററിൽ വച്ചും കുമരകം ഗ്രാമ പഞ്ചായത്ത് പരിസരത്ത് വച്ചും ഭീഷണിപ്പെടുത്തുകയും കൈയ്യിൽ കടന്ന് പിടിച്ച് കൈയ്യേറ്റം ചെയ്യുവാനും , തടഞ്ഞ് നിർത്തുവാനും ശ്രമിച്ചു.

പന്ത്രണ്ട് വർഷമായി അക്ഷയ കേന്ദ്രവുമായി ബന്ധപ്പെട്ട് പ്രവർത്തിക്കുന്നയാളാണ് സ്വപ്ന ബാബു . ഇയാൾ പലപ്പോഴായി അസഭ്യം പറയുകയും കൊല്ലുമെന്ന് ഭീഷണിപ്പെടുത്തുകയും ചെയ്ത് എന്ന് പരാതിയിൽ പറയുന്നു. കോട്ടയം ജില്ലാ പൊലീസ് ചീഫിനും വനിതാ സെല്ലിലും പരാതി നൽകി.