അഗ്നിതാണ്ഡവമാടുന്ന കമ്മ്യൂണിസ്റ്റ് ഭീകരതക്കെതിരെ യുവമോർച്ച എം.സി റോഡ് ഉപരോധിച്ചു

സ്വന്തം ലേഖകൻ

കോട്ടയം: സ്വർണക്കടത്തിലെ തെളിവുകൾ അഗ്നിക്കിരയാക്കി കേരള ജനതയെ വഞ്ചിക്കുന്ന പിണറായി സർക്കാരിനെതിരെ ജനാധിപത്യപരമായ സമരം ചെയ്ത ബിജെപി സംസ്ഥാന അധ്യക്ഷൻ ഉൾപ്പെടെയുള്ള ബി.ജെ.പി, യുവമോർച്ച സംസ്ഥാന-ജില്ലാ നേതാക്കൾക്കെതിരെ പോലീസ് നടത്തിയ നരനായാട്ടിനെതിരെയും പ്രതിഷേധിച്ചു കോട്ടയം ജില്ലാ യുവമോർച്ച എം സി റോഡ് ഉപരോധിച്ചു.

ഗാന്ധി സ്ക്വാറിൽ നടന്ന റോഡ് ഉപരോധം ജില്ലാ പ്രസിഡന്റ് സോബിൻലാൽ ഉദ്ഘാടനം ചെയ്തു.

ജില്ലാ ഉപാധ്യക്ക്ഷൻ ബിനു കോട്ടയം അധ്യക്ഷത വഹിച്ചു. ജില്ലാ ജനറൽ സെക്രട്ടറി അശ്വന്ത് മാമ്മലശ്ശേരി, പ്രമോദ് പുതുപ്പള്ളി,അരവിന്ദ് കല്ലറ, ശ്രീകുമാർ എം.കെ, ശ്യാം വിജയപുരം തുടങ്ങിയവർ നേതൃത്വം നൽകി.