മോഷണം പോയ ബൈക്ക് ഗതാഗത നിയമം ലംഘിച്ചു; പിഴയടക്കാൻ രണ്ടാംതവണയും നോട്ടീസ് വന്നത് ഉടമയ്ക്ക്

കൊല്ലം: മോഷണം പോയ ബൈക്കിന് ഗതാഗത ലംഘനത്തിന് ഉടമയ്ക്ക് വീണ്ടും പിഴ.

Link

Embed

Copy and paste this HTML code into your webpage to embed.

പാരിപ്പള്ളി സ്വദേശി സിജോയ്ക്കാണ് വീണ്ടും ചലാൻ ലഭിച്ചത്. ജനുവരി 30 നാണ് സിജോയുടെ ബൈക്ക് പാരിപ്പള്ളിയില്‍ നിന്ന് മോഷണം പോയത്.

ജനുവരി 30 നും ഫെബ്രുവരി 3 നും ആറ്റിങ്ങല്‍ കച്ചേരിനടയിലെ ഗതാഗത ലംഘനത്തിന് ബൈക്കിന് ആദ്യ പിഴ കിട്ടിയിരുന്നു. ബൈക്കുമായി ഒരേ വ്യക്തി തന്നെ ഹെല്‍മെറ്റ് ഇല്ലാതെ പോകുന്നതാണ് ചലാനിലെ ചിത്രം.

ജനുവരി 30ന് പാരിപ്പള്ളി പൊലീസില്‍ പരാതി നല്‍കിയിട്ടും മോഷ്ടാവിനെ ഇതുവരെയും കണ്ടെത്താൻ കഴിഞ്ഞില്ല. മോഷണം പോയ ബൈക്കിന്റെ ഉടമയ്ക്ക് രണ്ടാം തവണയാണ് ഗതാഗത ലംഘനത്തിന് പിഴ കിട്ടുന്നത്.