ഒരാഴ്ച മുൻപ് വാങ്ങിയ പുതുപുത്തൻ ബൈക്ക് മോഷ്ടിച്ചു ; പ്രതിയെ ഒറ്റദിവസം കൊണ്ട് പിടികൂടി പൊലീസ്

ആലപ്പുഴ: വീട്ടുമുറ്റത്ത് നിർത്തിട്ടിരുന്ന  ബൈക്ക് മോഷ്ടിച്ച പ്രതിയെ ഒറ്റദിവസം കൊണ്ട് പിടികൂടി പൊലീസ്.

ആര്യാട് തെക്ക് കളരിക്കല്‍വെളി വീട്ടില്‍ അശ്വിൻ ഒരാഴ്ച മുൻപ് വാങ്ങിയ ബൈക്കാണ് കഴഞ്ഞ ദിവസം വീട്ടില്‍ നിന്ന് മോഷണം പോയത്. തുടർന്ന് നല്‍കിയ പരാതിയില്‍ കേസെടുക്കുകയും സ്ഥലത്തെ സിസിടിവി പരിശോധിച്ച്‌ നടത്തിയ അന്വേഷണത്തില്‍ പ്രതിയെ ഉടൻ തിരിച്ചറിയുകയായിരുന്നു.

കൂട്ടുകാരന്റെ വീട്ടില്‍ ഒളിവില്‍ കഴിഞ്ഞ പ്രതിയായ കളർകോട് താനാകുളങ്ങര വീട്ടില്‍ രതീഷി(25 )നെ പൊലീസ് പിടികൂടി ബൈക്ക് കണ്ടെത്തി.

നോർത്ത്‌എസ്‌എച്ച്‌ ഒ എം കെ രാജേഷിന്റെ നേതൃത്വത്തില്‍ എസ് ഐ ജേക്കബ്, കൃഷ്ണലാല്‍, ഗിരീഷ്, സുബാഷ് പി കെ, സുജിത്ത് എന്നിവരടങ്ങിയ സംഘമാണ് പ്രതിയെ പിടികൂടിയത് കോടതില്‍ ഹാജരാക്കിയ പ്രതിയെ റിമാൻഡ് ചെയ്തു.