അമിതവേഗത്തില്‍ എത്തിയ ബൈക്ക് സ്വകാര്യബസിന്‍റെ പിന്നിലിടിച്ചു; അപകടത്തിൽ രക്ഷപെട്ട ബൈക്ക് യാത്രികരായ യുവാക്കൾ സംഭവസ്ഥലത്തുനിന്നും മുങ്ങി
കടുത്തുരുത്തി: അമിതവേഗത്തില്‍ എത്തിയ ബൈക്ക് സ്വകാര്യബസിന്‍റെ പിറകില്‍ ഇടിച്ചു. അദ്ഭുതകരമായി രക്ഷപ്പെട്ട ബൈക്ക് യാത്രികരായ യുവാക്കള്‍ സംഭവസ്ഥലത്തു നിന്നു കടന്നു കളഞ്ഞു. ആപ്പാഞ്ചിറ ജംഗ്ഷനിലാണ് സംഭവം.
കോട്ടയത്തുനിന്നും എറണാകുളത്തേക്ക് പോവുകയായിരുന്ന സ്വകാര്യ ലിമിറ്റഡ് സ്റ്റോപ്പ് ബസിന്‍റെ പിന്നിലാണ് ബൈക്ക് ഇടിച്ചത്.
അപകടം നടന്നയുടനെ ഓട്ടോക്കാരും വ്യാപാരികളും എത്തി യുവാക്കളായ രണ്ടു പേരെയും പിടിച്ചെഴുന്നേല്‍പ്പിച്ച്‌ സമീപത്തെ വിശ്രമകേന്ദ്രത്തില്‍ ഇരുത്തി. നാട്ടുകാരുടെ ശ്രദ്ധ വാഹനത്തിന്‍റെ അടുത്തേക്കു തിരിഞ്ഞതോടെ യുവാക്കള്‍ സ്ഥലത്തുനിന്നും മുങ്ങുകയായിരുന്നു.
Whatsapp Group 1 | Whatsapp Group 2 |Telegram Group
ബൈക്ക് ബസിനടിയിലേക്ക് ഇടിച്ചു കയറിയതിനാല്‍ സ്വകാര്യബസിന്‍റെ സര്‍വീസ് മുടങ്ങി. അപകടത്തെത്തുടര്‍ന്ന് കടുത്തുരുത്തി-വൈക്കം റോഡില്‍ ഗതാഗതം മുടങ്ങി.
