![സര്ക്കാരിന്റെ അതിവേഗ നീക്കങ്ങള്; ഇസ്രയേലില് മുങ്ങിയ ബിജുവിന്റെ വിസ റദ്ദാക്കപ്പെടും; എംബസിക്ക് ഉടൻ കത്ത് നല്കും; ബിജു കുര്യനെ കണ്ടെത്താനുള്ള ശ്രമം പുരോഗമിക്കുന്നു സര്ക്കാരിന്റെ അതിവേഗ നീക്കങ്ങള്; ഇസ്രയേലില് മുങ്ങിയ ബിജുവിന്റെ വിസ റദ്ദാക്കപ്പെടും; എംബസിക്ക് ഉടൻ കത്ത് നല്കും; ബിജു കുര്യനെ കണ്ടെത്താനുള്ള ശ്രമം പുരോഗമിക്കുന്നു](https://i0.wp.com/thirdeyenewslive.com/storage/2023/02/IMG-20230222-WA0021.jpg?fit=1045%2C1395&ssl=1)
സര്ക്കാരിന്റെ അതിവേഗ നീക്കങ്ങള്; ഇസ്രയേലില് മുങ്ങിയ ബിജുവിന്റെ വിസ റദ്ദാക്കപ്പെടും; എംബസിക്ക് ഉടൻ കത്ത് നല്കും; ബിജു കുര്യനെ കണ്ടെത്താനുള്ള ശ്രമം പുരോഗമിക്കുന്നു
സ്വന്തം ലേഖിക
കണ്ണൂര്: ഇസ്രയേലിലേക്ക് കൃഷി പഠിക്കാന് പോയ സംഘത്തില് നിന്ന് മുങ്ങിയ ബിജു കുര്യന്റെ വിസ റദ്ദാക്കുന്നതില് കൂടുതല് തുടര്നടപടികള് ഇന്നുണ്ടാകും.
വിസ റദ്ദാക്കി തിരികെ അയക്കാന് ഇസ്രയേലിലെ ഇന്ത്യന് എംബസിക്ക് കത്ത് നല്കാനാണ് സര്ക്കാര് തീരുമാനിച്ചിരിക്കുന്നത്. ബുജു കുര്യനെ കണ്ടെത്താനുള്ള ശ്രമം പുരോഗമിക്കുകയാണ്.
Whatsapp Group 1 | Whatsapp Group 2 |Telegram Group
ഇന്ന് വാര്ത്താ സമ്മേളനം നടത്തുന്ന കൃഷിമന്ത്രി ഇക്കാര്യത്തില് കൂടുതല് വ്യക്തത നല്കുമെന്നാണ് പ്രതീക്ഷിക്കുന്നത്.
ഇസ്രയേലിലേക്ക് പോയ സംഘത്തിലെ കര്ഷകന് ബിജു കുര്യന്റെ തിരോധാനത്തില് കൃഷി വകുപ്പിനും കുടുംബത്തിനും കൂടുതല് വ്യക്തതയൊന്നുമില്ല. താന് സുരക്ഷിതനാണ് എന്ന് ഭാര്യക്ക് അയച്ച മെസേജിന് ശേഷം ബിജുവിനെ കുറിച്ച് ബന്ധുക്കള്ക്കും വിവരമൊന്നുമില്ല.
അതേസമയം, ബിജു കുര്യന്റെ അപേക്ഷ പരിശോധിച്ച് ഉറപ്പു വരുത്തിയിരുന്നുവെന്ന് പായം കൃഷി ഓഫീസര് കെ ജെ രേഖ പറഞ്ഞു.
ബിജു കുര്യന് അടക്കം 27 കര്ഷകരും കൃഷി വകുപ്പ് പ്രിന്സിപ്പല് സെക്രട്ടറി ബി അശോകുമാണ് കൃഷി രീതികള് പഠിക്കാനായി ഈ മാസം 12 ന് ഇസ്രയേലിലേക്ക് പോയത്. വെള്ളിയാഴ്ച രാത്രി താമസിക്കുന്ന ഹോട്ടലില് നിന്ന് മറ്റൊരിടത്തേക്ക് പോകുന്നതിടെ ബിജു കുര്യനെ കാണാതാവുകയായിരുന്നു.
താന് സുരക്ഷിതനാണ് എന്ന് ഭാര്യക്ക് അയച്ച മെസേജ് മാത്രമാണ് ബിജുവിനെ കുറിച്ച് പിന്നീട് കിട്ടിയ വിവരം. ഇരിട്ടി പേരട്ടയിലെ ബിജുവിന്റെ വീട് ഇപ്പോള് പൂട്ടിക്കിടക്കുകയാണ്.