അന്നവന്‍റെ വിവാഹവാര്‍ഷികമായിരുന്നു, മദ്യപാനമോ പുകവലിയോ ഇല്ല; നമ്മുടെ റോഡിൻ്റെ അവസ്ഥ കാരണം എത്തിക്കാൻ അല്പം വൈകി,ആശുപത്രിയിൽ എത്തിച്ചപ്പോൾ ജീവനുണ്ടായിരുന്നു എങ്കിലും രക്ഷിക്കാനായില്ല; അകാലത്തിൽ അന്തരിച്ച അനുജനെ കുറിച്ച്‌ ബൈജു എഴുപുന്ന
അകാലത്തില്‍ അന്തരിച്ച സഹോദരൻ ഷെല്‍ജുവിനെക്കുറിച്ച്‌ നടൻ ബൈജു എഴുപുന്ന. ഷെല്‍ജുവിന് കാര്യമായ ആരോഗ്യപ്രശ്നങ്ങളൊന്നുമില്ലായിരുന്നുവെന്നും മദ്യപാനം, പുകവലി തുടങ്ങിയ ദുശീലങ്ങളൊന്നുമില്ലായിരുന്നുവെന്നും ബൈജു പറഞ്ഞു.
ഹൃദയാഘാതം സംഭവിച്ച അനുജനെ ആശുപത്രിയില്‍ എത്തിച്ചപ്പോള്‍ ജീവനുണ്ടായിരുന്നെങ്കിലും രക്ഷപെടുത്താനായില്ല എന്നും ബൈജു പറഞ്ഞു.
“”കഴിഞ്ഞ ദിവസം ഷെല്‍ജുവിന്‍റെ വെഡിംഗ് ആനിവേഴ്സറി ആയിരുന്നു. ഞാൻ ഉച്ചയ്ക്ക് അവനെ വിളിച്ചിരുന്നു. അവന്‍റെ കാറുമായിട്ടാണ് ഞാൻ പോയത്. ഇടുക്കിക്കു പോകുന്ന യാത്രയില്‍ തൊടുപുഴ എത്തിയപ്പോള്‍ ഷെല്‍ജുവിന് ഒട്ടും സുഖമില്ലാതെ വന്നു എന്ന് അറിഞ്ഞു. അവന് അനക്കം ഒന്നും ഉണ്ടായിരുന്നില്ല. അപ്പോള്‍ തന്നെ ലേക്ക്ഷോറിലേക്ക് കൊണ്ടുപോയി. പക്ഷേ നമ്മുടെ റോഡിന്‍റെ അവസ്ഥ കാരണം എത്തിക്കാൻ കുറച്ചു വൈകി. അവിടെ ചെന്നിട്ട് അവർ ഒരു ഇരുപതു മിനിറ്റോളം ശ്രമിച്ചു.
Whatsapp Group 1 | Whatsapp Group 2 |Telegram Group
ആരോഗ്യം നന്നായി നോക്കുന്ന ആളാണ്. മദ്യപിക്കില്ല, പുകവലിക്കില്ല, ദുശീലങ്ങള്‍ ഒന്നും ഇല്ല. എല്ലാ ദിവസവും വർക്ക്‌ഔട്ട് ഒക്കെ ചെയ്യും. ശരീരം നന്നായി നോക്കുന്ന ഒരാളാണ്. അവനു ഇപ്പോ 49 വയസായി. ദൈവം വിളിച്ചാല്‍ ആരോഗ്യമുണ്ടെന്നോ സമയമെന്നോ ഒന്നും ഇല്ല, ദൈവത്തിനു ഇഷ്ടമുള്ളവരെ വേഗം വിളിക്കും. അവൻ എന്‍റെ മമ്മിയുടെ അടുത്തേക്ക് പോയി.
രണ്ട് മാസത്തിനു മുൻപ് ഒരു പനി വന്നിരുന്നു. അന്ന് കുറച്ചു ദിവസം ആശുപത്രിയില്‍ ആയിരുന്നു. അതിനു ശേഷം അവനു ആരോഗ്യപ്രശ്നങ്ങള്‍ ഒന്നും ഉണ്ടായിട്ടില്ല. പ്രഷറും കൊളസ്ട്രോളും ഷുഗറും ഇടയ്ക്കിടെ നോക്കാറുണ്ടായിരുന്നു. പ്രത്യേകിച്ച്‌ പ്രശ്നങ്ങള്‍ ഒന്നും ഉണ്ടായിട്ടില്ല.
ഭാര്യ വിചാരിച്ചത് ഷുഗർ കുറഞ്ഞതാണ് എന്നാണ്. പക്ഷേ അതൊരു കാർഡിയാക് അറസ്റ്റ് ആയിരുന്നു. ആശുപത്രിയില്‍ എത്തിച്ചപ്പോള്‍ പള്‍സ് ഉണ്ടായിരുന്നു, പക്ഷേ ശ്രമിച്ചിട്ടും തിരിച്ചു പിടിക്കാൻ പറ്റിയില്ല. സമയമാകുമ്ബോള്‍ എല്ലാവരും പോയെ പറ്റൂ. ഞാൻ സിനിമയുമായി നടക്കുമ്ബോള്‍ അവനാണ് വീട്ടിലെ കാര്യങ്ങള്‍ നോക്കിയിരുന്നത്. ബൈജു പറഞ്ഞു.
അനുജന്‍റെ സംസ്കാരച്ചടങ്ങിനു ശേഷം ടോക്സ് ലെറ്റ് മി ടോക് എന്ന ചാനലിനോടു സംസാരിക്കവെയായിരുന്നു ബൈജുവിന്‍റെ പ്രതികരണം.
