കോട്ടയം: നല്ല കുരുമുളകിട്ട് ബീഫ് വരട്ടിയെടുത്താലോ? അതും നല്ല കിടിലൻ സ്വാദില്‍ തന്നെ. വളരെ എളുപ്പത്തില്‍ രുചികരമായി തന്നെ തയ്യാറാക്കാം.
ആവശ്യമായ ചേരുവകള്‍
ബീഫ് – 1 കിലോ
ചെറിയ ഉള്ളി ചതച്ചത-് 2 കപ്പ്
ഇഞ്ചി, വെളുത്തുള്ളി ചതച്ചത്- 3 ടേബിള്‍ സ്പൂണ്‍
പച്ചമുളക് – 4 എണ്ണം
വെളിച്ചെണ്ണ- 5 ടേബിള്‍ സ്പൂണ്‍
മുളകുപൊടി – 3 ടേബിള്‍ സ്പൂണ്‍
മല്ലിപൊടി – 4 ടേബിള്‍ സ്പൂണ്‍
മഞ്ഞള്‍പൊടി – 1/2 ടീസ്പൂണ്‍
ഗരം മസാല- 2 ടീസ്പൂണ്‍
കുരുമുളക് പൊടി 1/2 ടീസ്പൂണ്‍
കടുക് -1 ടീസ്പൂണ്‍
വറ്റല്‍ മുളക്- 5 എണ്ണം
കറിവേപ്പില- 3 തണ്ട്
ഉപ്പ് – ആവശ്യത്തിന്
തയ്യാറാക്കുന്ന വിധം
Whatsapp Group 1 | Whatsapp Group 2 |Telegram Group
ബീഫില്‍ ഉള്ളി, ഇഞ്ചി, വെളുത്തുള്ളി, പച്ചമുളക്, കറിവേപ്പില, മഞ്ഞള്‍പൊടി, മുളക് പൊടി, മല്ലിപൊടി, ഗരം മസാല പൊടി, കുരുമുളക് പൊടി, ഉപ്പ് എന്നിവ നന്നായി തിരുമ്മി യോജിപ്പിക്കുക. ഇത് കുക്കറിലിട്ട് വെള്ളമൊഴിച്ച്‌ വേവിക്കുക. 3 വിസില്‍ വരുമ്ബോള്‍ തീ ഓഫ് ചെയ്യാൻ മറക്കരുത്. ഇനി ഒരു പാന്‍ ചൂടാക്കുക. ഇതിലേക്ക് പാനില്‍ വെളിച്ചണ്ണ ഒഴിച്ച്‌ അതിലേക്ക് കടുക്, വറ്റല്‍മുളക്, കറിവേപ്പില, എന്നിവ ഇടുക. ഇതിലേക്ക് വേവിച്ച്‌ വച്ചിരിക്കുന്ന ബീഫ് ചേര്‍ത്ത് നന്നായി ഇളകി യോജിപ്പിക്കുക. ഇത് ഡ്രൈ ആകുന്നത് വരെ വഴറ്റുക. ഡ്രൈ ആയി വരുമ്പോള്‍ അല്പം എണ്ണ കൂടി ചേർത്ത് അല്പം കുരുമുളക് പൊടി വിതറി തീ ഓഫ് ചെയ്യാം.
