തിരുവനന്തപുരം: സംസ്ഥാനത്തെ ബാറുകളുടെ പ്രവര്ത്തന സമയം ഏകീകരിച്ചു.
ഇനി മുതല് രാവിലെ പത്തു മുതല് രാത്രി 12വരെയായിരിക്കും സംസ്ഥാനത്തെ എല്ലാ ബാറുകളും പ്രവര്ത്തിക്കുക.
ഇതുസംബന്ധിച്ച വിജ്ഞാപനം ഉടൻ പുറത്തിറങ്ങും.
വിജ്ഞാപനം പുറത്തിറങ്ങിയാല് പുതിയ സമയക്രമം പ്രാബല്യത്തിലാകും. നിലവില് ടൂറിസം മേഖലയില് പ്രവര്ത്തിക്കുന്ന ബാറുകള്ക്കായായിരുന്നു രാവിലെ 10 മുതല് അര്ധരാത്രി 12വരെ പ്രവര്ത്തിക്കാൻ അനുമതിയുള്ളത്. ഇതിനുപുറെ പുതുവത്സര തലേന്ന് അടക്കം അര്ധരാത്രി 12വരെ പ്രവര്ത്തിക്കാൻ നേരത്തെ അനുമതി നല്കിയിരുന്നു.
Whatsapp Group 1 | Whatsapp Group 2 |Telegram Group
നിലവില് സംസ്ഥാനത്ത് ടൂറിസം മേഖലയിലെ അല്ലാത്ത മറ്റു ബാറുകളുടെ പ്രവര്ത്തന സമയം രാവിലെ 11 മുതല് രാത്രി 11വരെയാണ്. ഇതാണിപ്പോള് രാവിലെ പത്തു മുതല് അര്ധരാത്രി 12വരെയായി ദീര്ഘിപ്പിക്കുന്നത്.
ബാറുടമകളുടെ ദീര്ഘകാലമായിട്ടുള്ള ആവശ്യത്തിന് സര്ക്കാര് അനുകൂല തീരുമാനമെടുത്തിരിക്കുന്നത്. ബാറുകളില് നിന്നുള്ള വരുമാനം കുറയുന്നുവെന്ന് ചൂണ്ടികാട്ടി പ്രവര്ത്തന സമയത്തില് രണ്ടു മണിക്കൂര് കൂട്ടി നീട്ടണമെന്ന് ബാറുടമകള് നേരത്തെ ആവശ്യപ്പെട്ടിരുന്നു.
