കൊച്ചി: സംസ്ഥാനത്തെ ലോ കോളജുകളില് ട്രാൻസ്ജെൻഡർ വിദ്യാർഥികള്ക്ക് പ്രത്യേക സീറ്റിന് അനുമതി.
സൂപ്പർന്യുമറിയായി രണ്ട് സീറ്റ് വീതം അനുവദിക്കാൻ തീരുമാനിച്ചതായി ബാർ കൗണ്സില് ഓഫ് ഇന്ത്യ ഹൈകോടതിയെ അറിയിച്ചു.
ഇതുസംബന്ധിച്ച് തീരുമാനമെടുക്കാൻ നേരത്തേ കോടതി നിർദേശം നല്കിയതിനെത്തുടർന്ന് ബാർ കൗണ്സില് പ്രത്യേക യോഗം ചേർന്ന് അനുമതി നല്കുകയായിരുന്നു.
Whatsapp Group 1 | Whatsapp Group 2 |Telegram Group
കോഴിക്കോട് ഗവ. ലോ കോളജില് 2025-26 അധ്യയന വര്ഷത്തെ അഞ്ചുവര്ഷ ഇന്റഗ്രേറ്റഡ് എല്എല്.ബി കോഴ്സിലെ പ്രവേശനത്തിന് ട്രാന്സ്ജെന്ഡര് വിഭാഗത്തിലുള്ളവര്ക്ക് സംവരണം ആവശ്യപ്പെട്ട് കോഴിക്കോട് ചൊവായൂര് സ്വദേശി ഈസായ് ക്ലാര നല്കിയ ഹരജിയാണ് കോടതിയുടെ പരിഗണനയിലുള്ളത്.
2025-26 അക്കാദമിക് വർഷം മൂന്ന്/അഞ്ച് വർഷ എല്എല്.ബി കോഴ്സുകള്ക്ക് രണ്ടുവീതം സീറ്റുകള് ട്രാൻസ്ജെൻഡർ വിഭാഗത്തിനായി ലഭിക്കും. ഹർജി വെള്ളിയാഴ്ച ജസ്റ്റിസ് വി.ജി. അരുണ് വീണ്ടും പരിഗണിക്കും.
