കുളിക്കുന്നതിനിടെ മൂവാറ്റുപുഴയാറിൽ ഒഴുക്കിൽപെട്ട് കാണാതായ അന്യസംസ്ഥാന തൊഴിലാളിയുടെ മൃതദേഹം കണ്ടെത്തി

മൂവാറ്റുപുഴ: കുളിക്കുന്നതിനിടെ മൂവാറ്റുപുഴയാറിൽ ഒഴുക്കിൽപെട്ട് കാണാതായ അന്യസംസ്ഥാന തൊഴിലാളിയുടെ മൃതദേഹം കണ്ടെത്തി.

സൗത്ത് മാറാടി ആഷ്ലി ഫർണിച്ചർ ഷോപ്പ് ജീവനക്കാരനായ ബാംഗ്ലൂർ സ്വദേശി ഫയാസ് ഖാൻ (45) ന്റെ മൃതദേഹമാണ് കണ്ടെത്തിയത്.

ഞായറാഴ്ച വൈകിട്ട് നാലരയോടെയാണ് ഇയാളെ ഒഴുക്കിൽപ്പെട്ട് കാണാതായത്.

എൻഡിആർഎഫും ഫയർഫോഴ്സും സ്‌കൂബാ ടീമും നടത്തിയ തിരച്ചിലിൽ ചൊവ്വാഴ്ച രാത്രി കയനാട് നിന്നാണ് മൃതദേഹം കണ്ടെത്തിയത്.