ന്യുയോർക്ക്: ബഹിരാകാശത്ത് അജ്ഞാതവസ്തു ഇടിച്ച്‌ സാറ്റ്‌ലൈറ്റിന് തകരാർ. ഇടിച്ച അജ്ഞാവസ്തുവിനെ കണ്ടെത്താൻ ഗവേഷകർ അന്വേഷണം ആരംഭിച്ചു.
അതേസമയം സംഭവം ആശങ്കയുളവാക്കിയിട്ടുണ്ട്.
സാറ്റ്‌ലൈറ്റ് കമ്പനിയായ നാനോ ഏവിയോണിക്‌സിന്റെ എംപി 44 സാലൈറ്റിലാണ് അജ്ഞാത വസ്തു ഇടിച്ചത്. ഇടിയുടെ ആഘാതത്തില്‍ സാറ്റ്‌ലൈറ്റിന്റെ അഗ്രഭാഗം തകർന്നു. കഴിഞ്ഞ ദിവസമാണ് ഇത് കമ്പനിയിലെ വിദഗ്ധരുടെ ശ്രദ്ധയിൽപ്പെടുന്നത്.
ഇതോടെ കണ്ടെത്തുന്നതിനുള്ള ശ്രമം ആരംഭിക്കുകയായിരുന്നു. ഉല്‍ക്കാശകലങ്ങളോ മറ്റ് അവശിഷ്ടങ്ങളോ ആകാം സാറ്റ്‌ലൈറ്റില്‍ ഇടിച്ചത് എന്നാണ് നിഗമനം.
Whatsapp Group 1 | Whatsapp Group 2 |Telegram Group
2022 ലാണ് ഈ സാറ്റ്‌ലൈറ്റ് കമ്പനി വിക്ഷേപിച്ചത്. വിവിധ കമ്പനികളുടെ വസ്തുക്കള്‍ ഉപയോഗിച്ച്‌ നിർമ്മിച്ച ഈ ഉപഗ്രഹം പരീക്ഷണാർത്ഥം ആണ് കമ്പനി വിക്ഷേപിച്ചത്. അതേസമയം
സംഭവത്തില്‍ ആശങ്ക അറിയിച്ച്‌ നാനോ ഏവിയോണിക്‌സ് രംഗത്ത് എത്തിയിട്ടുണ്ട്. ബഹിരാകാശ ദൗത്യങ്ങളില്‍ കൂടുതല്‍ ജാഗ്രത പുലർത്തേണ്ടതുണ്ടെന്നും, ഇത് ചെയ്യുമെന്നും കമ്പനി വ്യക്തമാക്കി.
ബഹിരാകാശത്തെ ചെറിയ ഉല്‍ക്കാശകലങ്ങളും അവശിഷ്ടങ്ങളുമെല്ലാം ഉപഗ്രഹങ്ങള്‍ക്ക് വലിയ ഭീഷണിയാണ് ഉയർത്തുന്നത്. ഉപഗ്രഹത്തില്‍ അജ്ഞാതവസ്തു ഇടിച്ചത് ഇത്തരം ദൗത്യങ്ങളില്‍ കൂടുതല്‍ ജാഗ്രത വേണം എന്നതിന്റെ സൂചനയാണ്. അപ്രതീക്ഷിതമായി ഉണ്ടാകുന്ന ഇത്തരം സംഭവങ്ങളില്‍ നിന്നും സാറ്റ്‌ലൈറ്റിനെ രക്ഷിച്ചെടുക്കുക പ്രയാസകരമാണെന്നും കമ്പനി അറിയിച്ചു.
