സംസ്ഥാന പോലീസ് മേധാവിയുടെ ഉന്നത ബഹുമതിയായ ‘ബാഡ്ജ് ഓഫ് ഹോണർ’ കരസ്ഥമാക്കി എറണാകുളം ക്രൈം ബ്രാഞ്ച് എക്കണോമിക് ഒഫൻസ് വിങ്ങിലെ എസ് ഐ മനോജ്‌ കുമാർ ടി ഡി ; സ്നാപ്ഡീൽ ഓൺലൈൻ പ്ലാറ്റ്ഫോമിൽ 1.25 കോടി സമ്മാനം അടിച്ചെന്ന് പറഞ്ഞ് തട്ടിപ്പ് നടത്തിയ സംഘത്തെ ജാർഖണ്ഡിലെത്തി പിടികൂടിയ അന്വേഷണ മികവാണ് പുരസ്കാരത്തിന് അർഹനാക്കിയത് 

എറണാകുളം : സംസ്ഥാന പോലീസ് മേധാവിയുടെ ഉന്നത ബഹുമതിയായ ‘ബാഡ്ജ് ഓഫ് ഹോണർ’ കരസ്ഥമാക്കി എറണാകുളം ക്രൈംബ്രാഞ്ച് എക്കണോമിക് ഒഫൻസ് വിങ്ങിലെ ഉദ്യോഗസ്ഥനായ എസ് ഐ മനോജ്‌ കുമാർ ടി ഡി.

2023 – ൽ നടന്ന തട്ടിപ്പ് കേസിലെ അന്വേഷണ മികവാണ് മനോജ് കുമാറിനെ അവാർഡിന് അർഹനാക്കിയത്

സ്നാപ്ഡീൽ ഓൺലൈൻ പ്ലാറ്റ്ഫോമിൽ സമ്മാനം അടിച്ചെന്ന് പറഞ്ഞ് തൃപ്പൂണിത്തുറ സ്വദേശിനിയായ യുവതിയെ കബളിപ്പിച്ച് ഒന്നേകാൽ കോടി രൂപ തട്ടിയെടുത്ത കേസിൽ ബിഹാർ നവാഡ സ്വദേശികളായ പ്രതികളെ ജാർഖണ്ഡിലെ റാഞ്ചിയിൽ എത്തി പിടികൂടുകയുമായിരുന്നു മനോജിന്റെ നേതൃത്വത്തിലുള്ള സംഘം

അന്വേഷണ സംഘത്തിൽ ആറുപേരാണ് ഉണ്ടായിരുന്നത്. ഈ കേസിൽ നടത്തിയ അന്വേഷണ മികവാണ് മനോജ് കുമാറിനെ പുരസ്കാരത്തിന് അർഹനാക്കിയത്.