നാലുമാസം പ്രായമുള്ള കുഞ്ഞിന്റെ മൃതദേഹം കിണറ്റില്‍; ദുരൂഹതയെന്ന് പൊലീസ്
നാലുമാസം പ്രായമുള്ള കുഞ്ഞിനെ കിണറ്റില്‍ മരിച്ച നിലയില്‍ കണ്ടെത്തി. കണ്ണൂർ പാപ്പിനിശേരി പാറക്കലിലാണ് സംഭവം.
തമിഴ്‌നാട് സ്വദേശികളുടെ മകളാണ് മരിച്ചത്. തങ്ങള്‍ക്കൊപ്പം കുഞ്ഞ് ഉറങ്ങുകയായിരുന്നുവെന്നാണ് മാതാപിതാക്കള്‍ പറയുന്നത്.
ഇന്നലെ രാത്രിയാണ് സംഭവം. അക്കമ്മല്‍- മുത്തു ദമ്ബതികളുടെ മകള്‍ യാസികയാണ് മരിച്ചത്. വാടക ക്വാട്ടേഴ്‌സിലാണ് കുഞ്ഞിന്റെ കുടുംബം താമസിക്കുന്നത്. കുട്ടിയെ കാണാതായതിനെത്തുടർന്ന് നടത്തിയ പരിശോധനയിലാണ് കിണറ്റിനുള്ളില്‍ മൃതദേഹം കണ്ടെത്തിയതെന്നാണ് മാതാപിതാക്കള്‍ പൊലീസിനോട് പറഞ്ഞത്. ക്വാട്ടേഴ്‌സില്‍ ഇവർക്കൊപ്പം ജ്യേഷ്ഠന്റെ മക്കളും താമസിക്കുന്നുണ്ട്.
Whatsapp Group 1 | Whatsapp Group 2 |Telegram Group
ഇന്നലെ അർദ്ധരാത്രിയോടെയാണ് മൃതദേഹം കണ്ടെത്തിയത്. മൃതദേഹം ജില്ലാ താലൂക്ക് ആശുപത്രിയിലേയ്ക്ക് മാറ്റി. പൊലീസ് സ്ഥലത്തെത്തി നടപടികള്‍ ആരംഭിച്ചിട്ടുണ്ട്. സംഭവത്തില്‍ ദുരൂഹതയുണ്ടെന്ന് പൊലീസ് പറഞ്ഞു.
