ബാബു കൂമ്പാച്ചി മല കയറിയത് ആരെയും വകവെയ്ക്കാതെ ;തിരികെ വിളിച്ചിട്ടും ഇറങ്ങിയില്ലെന്ന് ബാബുവിനൊപ്പം മലകയറിയ കുട്ടി

സ്വന്തം ലേഖിക

പാലക്കാട് : വിളിച്ചിട്ടും തിരികെ വരാതെ ബാബു മലയുടെ മുകളിലേക്ക് കയറിപ്പോകുകയായിരുന്നുവെന്ന് ബാബുവിനൊപ്പം കൂമ്പാച്ചി മല കയറിയ കുട്ടി . ആദ്യമായാണ് മല കയറിയത്. രാവിലെ പത്ത് മണിയോടെ കയറിത്തുടങ്ങി.‌

പകുതിയോളം എത്തിയിരുന്നു,അതിനുശേഷം ‍ഞങ്ങൾ കയറിയില്ല. പക്ഷേ ബാബു മുകളിലേക്ക് പോയി. ബാബു നിർബന്ധിച്ച് ആണ് ഒപ്പം കൂട്ടിയതെന്നും കുട്ടി പ്രതികരിച്ചു.

മലയിടുക്കിൽ നിന്ന് സൈന്യം രക്ഷപ്പെടുത്തിയ ബാബു ഉമ്മയോട് പറഞ്ഞതനുസരിച്ച് മുകളിൽ കയറവേ കാല് കല്ലിൽ തട്ടിയാണ് താഴേക്ക് പതിച്ചത്.

കൂടുതൽ അപകടം ഉണ്ടാകാതിരിക്കാൻ പിടിച്ചുനിന്നുവെന്നും ബാബു ഉമ്മയോട് പറഞ്ഞിരുന്നു.മലയിടുക്കിൽപെട്ട ബാബുവിനെ 43 മണിക്കൂറുകൾക്ക് ശേഷമാണ് സൈന്യം രക്ഷിച്ച് പുറത്തെത്തിച്ചത്