കരിമഠം ഗ്രാമത്തിന് ഇനി ആശ്വസിക്കാം: പൊട്ടി തകർന്ന റോഡിന് ശാപമോക്ഷമായി: കൊല്ലത്ത്കരി – കരിമഠം സ്കൂൾ- കോലടിച്ചിറ റോഡ് നിർമ്മാണം ആരംഭിച്ചു: കോട്ടയം അയ്മനം പഞ്ചായത്താണ് റോഡ് നിർമ്മിക്കുന്നത്.

കോട്ടയം: ഏറെനാളത്തെ കാത്തിരിപ്പിന് ഒടുവിൽ അയ്മനം ഗ്രാമപഞ്ചായത്ത് കൊല്ലത്ത് കരി – കരിമഠം സ്കൂൾ- കോലടിച്ചിറ റോഡ് നിർമ്മാണം ആരംഭിച്ചു. 992 മീറ്റർ നീളമാണ് റോഡ് കോൺക്രീറ്റ് ആരംഭിച്ചിരിക്കുന്നത്.

ഇതിനായി ഗ്രാമപഞ്ചായത്തിന്റെ 2023-2024 വാർഷിക പദ്ധതിയിൽ പെടുത്തി നാൽപത്തി ഏഴ് ലക്ഷത്തി മുപ്പതിനായിരത്തിതൊള്ളായിരം രൂപയാണ് വകയിരുത്തിയിരിക്കുന്നത്. ഒരു ഗ്രാമപഞ്ചായത്ത് വാർഷിക പദ്ധതിയിൽ പെടുത്തി ഒരു വാർഡിൽ നൽകുന്ന ഏറ്റവും വലിയ തുകയാണിത്.

കൊല്ലത്ത്ക്കരി – കരിമഠം സ്കൂൾ – കോലടിച്ചിറ റോഡ് ഏകദേശം മൂന്ന് കിലോമീറ്റർ ദൂരം വരുന്നതാണ്. ഈ പഞ്ചായത്ത് ഭരണസമിതി അധികാരത്തിൽ വന്നതിനുശേഷം വിവിധ

സർക്കാർ ഫണ്ടുകൾ ഉപയോഗിച്ച് ഒരു കിലോമീറ്റർ ദൂരം ഏതാനും നാളുകൾക്ക് മുൻപ് കോൺക്രീറ്റ് ചെയ്തിരുന്നു. ഇപ്പോൾ ഗ്രാമപഞ്ചായത്ത് ഫണ്ട് ഉപയോഗിച്ച് നടക്കുന്ന കോൺക്രീറ്റ്

പൂർത്തിയാകുന്നതോടുകൂടി ആകെ രണ്ട് കിലോമീറ്ററോളം റോഡ് കോൺക്രീറ്റിംഗ് പൂർത്തിയാകും. കൂടാതെ ഗ്രാമപഞ്ചായത്ത് 2024- 25 വാർഷിക പദ്ധതിയിലും ഈ റോഡിന് ഫണ്ട്

അനുവദിച്ച് ടെൻഡർ നടപടി ആരംഭിച്ചിട്ടുള്ളതാണെന്നും വാർഡ് മെമ്പറും, ഗ്രാമപഞ്ചായത്ത് വൈസ് പ്രസിഡന്റുമായ മനോജ് കരീമഠം അറിയിച്ചു.