അയർക്കുന്നം വില്ലേജ് ഓഫീസറെ സർവീസിൽ നിന്നും പുറത്താക്കണം:അയർക്കുന്നം വികസന സമിതി

സ്വന്തം ലേഖകൻ

അയർക്കുന്നം: വില്ലേജ് ഓഫീസിൽ വിവിധ ആവശ്യങ്ങൾക്കായി എത്തുന്ന ആൾക്കാരോട് മോശമായി പെരുമാറുന്നതായി  അയർക്കുന്നം വികസന സമിതിയുടെ പരാതി.

വില്ലേജിൽ നിന്നും ലഭിക്കേണ്ട ആവശ്യ സർട്ടിഫിക്കറ്റുകൾ കാരണമില്ലാതെ നിഷേധിക്കുകയും,കാലതാമസം വരുത്തുന്നതായും നിരവധി ആളുകളുടെ പരാതി ഉയർന്നിരുന്നു.

ഈ സാഹചര്യത്തിൽ ഇയാൾക്കെതിരെ അന്വേഷണം നടത്തണമെന്നും ആവശ്യമായി വരുന്ന പക്ഷം സർവീസിൽനിന്നും പുറത്താക്കണമെന്നും അയർക്കുന്നം വികസന സമിതി പ്രസിഡന്റ് ജോയി കൊറ്റത്തിൽ ആവശ്യപ്പെട്ടു.