‘ശബരിമലയെ വിവാദഭൂമിയാക്കരുത്, ഭക്തര്‍ക്കെതിരെ എടുത്ത കേസുകള്‍ പിൻവലിക്കണം’; അയ്യപ്പസംഗമത്തെ പിന്തുണച്ച്‌ വെളളാപ്പളളി നടേശൻ

ആലപ്പുഴ: ആഗോള അയ്യപ്പ സംഗമത്തിലേക്ക് എസ്‌എൻഡിപി ജനറല്‍ സെക്രട്ടറി വെളളാപ്പളളി നടേശനെ ക്ഷണിച്ച്‌ ദേവസ്വം പ്രസിഡന്റ് പി എസ് പ്രശാന്ത്.

ശബരിമലയെ വിവാദഭൂമിയാക്കരുതെന്ന് വെള്ളാപ്പള്ളി നടേശൻ പറഞ്ഞു. ഭക്തർക്കെതിരെ എടുത്ത കേസുകള്‍ പിൻവലിക്കണമെന്നും അദ്ദേഹം ആവശ്യപ്പെട്ടു.

എസ്‌എൻഡിപിക്ക് അയ്യപ്പ സംഗമത്തില്‍ വ്യക്തമായ നിലപാടുണ്ട്. സംഗമം പ്രായശ്ചിത്തമായി കാണുന്നവർക്ക് അങ്ങനെ കാണാമെന്നും വെളളാപ്പളളി നടേശൻ വ്യക്തമാക്കി.

‘ശബരിമലയ്ക്ക് ലോക പ്രശസ്തി ലഭിക്കും. വലിയ വരുമാന സാദ്ധ്യതയാണിത്. സംഗമം പ്രായശ്ചിത്തമായി കാണുന്നവർക്ക് അങ്ങനെ കാണാം. വിവാദ വിഷയങ്ങള്‍ മാറ്റിവയ്ക്കണം.

എസ്‌എൻഡിപിക്ക് ഇക്കാര്യത്തില്‍ വ്യക്തമായ നിലപാടാണുള്ളത്. സംഗമത്തിന് തിരഞ്ഞെടുപ്പുമായി ബന്ധമില്ല. കക്ഷിരാഷ്ട്രീയം പറഞ്ഞും പിണറായിയെ കുറ്റപ്പെടുത്തിയും സമയം കളയരുത്’- അദ്ദേഹം പറഞ്ഞു.