“സാമോദം 2025”: വെള്ളൂർ ജനമൈത്രീ പോലീസിൻ്റെയും മേവെള്ളൂർ കെഎംഎച്ച്എസ് സ്കൂൾ പിടിഎയുടേയും ആഭിമുഖ്യത്തിൽ എസ്എസ്എൽസി വിദ്യാർത്ഥികൾക്കും രക്ഷിതാക്കൾക്കുമായി ബോധവത്കരണ ക്ലാസ് സംഘടിപ്പിച്ചു; വൈക്കം ഡിഐഎസ്പി സിബിച്ചൻ ജോസഫ് ക്ലാസ് ഉദ്ഘാടനം ചെയ്തു

കോട്ടയം: വെള്ളൂർ ജനമൈത്രീ പോലീസിൻ്റെയും മേവെള്ളൂർ കെഎംഎച്ച്എസ് സ്കൂൾ പിടിഎയുടേയും ആഭിമുഖ്യത്തിൽ എസ്എസ്എൽസി ബാച്ചിലെ കുട്ടികൾക്കായി സാമോദം 2025 എന്ന പരിപാടി സംഘടിപ്പിച്ചു.

കുട്ടികളിൽ വളർന്നു വരുന്ന അക്രമ വാസനകൾക്കും ലഹരി ഉപയോഗങ്ങൾക്കുമെതിരെ വിദ്യാർത്ഥികളെയും രക്ഷിതാകളെയും ചേർത്തു നിർത്തി നടത്തിയ ബോധവത്കരണ ക്ലാസ് വൈക്കം ഡിഐഎസ്പി സിബിച്ചൻ ജോസഫ് ഉദ്ഘാടനം ചെയ്തു.

വെള്ളൂർ പോലീസ് സബ്ബ് ഇൻസ്പെക്ടർ എബി ജോസഫ് സ്നേഹസന്ദേശം നൽകി. വെള്ളൂർ പോലീസ് സ്റ്റേഷൻ എസ് സിപിഒ ബിജു പി എസ് ക്ലാസ് നയിച്ചു.

സ്കൂൾ പിടിഎ പ്രസിഡൻ്റ്, സ്കൂൾ മാനേജർ അഡ്വ. അനിൽകുമാർ, ജനമൈത്രി ഓഫീസർ സന്തോഷ് എന്നിവർ നേതൃത്വം നൽകി. കുട്ടികൾ ബലൂണുകളും മിഠായികളും പരസ്പരം കൈമാറി സ്നേഹം പങ്കുവച്ചു പിരിഞ്ഞു.