അവൽ കഴിക്കുന്നത് ആരോഗ്യത്തിന് വളരെ നല്ലതാണ്. ഇത് ഫൈബർ, വിറ്റാമിനുകൾ, ധാതുക്കൾ എന്നിവയുടെ കലവറയാണ്. പ്രമേഹം, കൊളസ്ട്രോൾ, ദഹന പ്രശ്നങ്ങൾ എന്നിവയുള്ളവർക്ക് അവൽ കഴിക്കുന്നത് വളരെ നല്ലതാണ്. ശരീരത്തിന് ഊർജ്ജം നൽകാനും ഇത് സഹായിക്കുന്നു.
അവലിന്റെ പ്രധാന ആരോഗ്യ ഗുണങ്ങൾ പരിചയപ്പെടാം:
1. അവല്‍ നല്ലൊരു പ്രോബയോട്ടിക് ഭക്ഷണമാണ്. അതിനാല്‍ ഇവ കഴിക്കുന്നത് ദഹനം മെച്ചപ്പെടുത്താനും വയറിന്‍റെ ആരോഗ്യത്തിനും നല്ലതാണ്.
Whatsapp Group 1 | Whatsapp Group 2 |Telegram Group
2. ഫൈബര്‍ ധാരാളം അടങ്ങിയതാണ് അവല്‍. അതിനാല്‍ അവല്‍ പ്രമേഹ രോഗികള്‍ക്ക് ധൈര്യത്തോടെ കഴിക്കാം. ഇവ രക്തത്തിലെ പഞ്ചസാരയുടെ അളവിനെ നിയന്ത്രിക്കാന്‍ സഹായിക്കും.
3. അയണിന്‍റെ കലവറയാണ് അവല്‍. അതിനാല്‍ അവല്‍ കഴിക്കുന്നത് വിളര്‍ച്ചയെ തടയാനും ഹീമോഗ്ലോബിന്‍റെ അളവ് കൂട്ടാനും സഹായിക്കും.
4. ശരീരത്തിന് വേണ്ട ഊര്‍ജ്ജം പകരാനും ഇവ സഹായിക്കും. 76.9 ശതമാനം കാർബോഹൈഡ്രേറ്റും 23 ശതമാനം കൊഴുപ്പും ചേർന്നതാണ് അവല്‍. അതിനാല്‍, ശരീരത്തിന് അതിന്റെ ദൈനംദിന പ്രവർത്തനങ്ങള്‍ നടത്താൻ ഊർജ്ജം നല്‍കാന്‍ അവല്‍ സഹായിക്കും.
5. വിറ്റാമിന്‍ ബി അടങ്ങിയ അവല്‍ കുട്ടികള്‍ക്ക് നല്‍കുന്നത് തലച്ചോറിന്‍റെ ആരോഗ്യത്തിന് ഗുണം ചെയ്യും. കൂടാതെ എല്ലിന്‍റെയും പല്ലിന്‍റെയും ആരോഗ്യത്തിനും ഇവ നല്ലതാണ്.
6. മലബന്ധത്തെ അകറ്റാനും വയര്‍ വീര്‍ത്തിരിക്കുന്നത് തടയാനും അസിഡിറ്റിയെ അകറ്റാനും അവല്‍ ഡയറ്റില്‍ ഉള്‍പ്പെടുത്താം.
7. കലോറി കുറഞ്ഞ ഭക്ഷണമാണ് അവല്‍. കൂടാതെ ധാരാളം വിറ്റാമിനുകളും മിനറലുകളും ഇവയില്‍ അടങ്ങിയിട്ടുണ്ട്. അതിനാല്‍ ഇവ മിതമായ അളവില്‍ കഴിക്കുന്നത് ശരീരഭാരം നിയന്ത്രിക്കാനും സഹായിക്കും.
