അമിത വേഗത്തിലെത്തിയ കാർ നിയന്ത്രണം നഷ്ടപ്പെട്ട് ഓട്ടോയിലിടിച്ചു..! ഓട്ടോ ഡ്രൈവറും യാത്രക്കാരിയും മരിച്ചു; ഒരാൾക്ക് ഗുരുതര പരിക്ക്

സ്വന്തം ലേഖകൻ

ആലപ്പുഴ: ചാരുംമൂടിന് സമീപം പത്തിശേരിയിൽ കാർ ഓട്ടോയിലിടിച്ച് രണ്ടുപേർ മരിച്ചു. ഓട്ടോ ഡ്രൈവർ അജ്മൽഖാനും ഓട്ടോയിലെ യാത്രക്കാരി തങ്കമ്മയുമാണ് മരിച്ചത്.

ഒരാൾക്ക് ഗുരുതരമായി പരിക്കേറ്റിട്ടുണ്ട്. പരിക്കേറ്റയാളെ ആലപ്പുഴ മെഡിക്കൽ കോളജിൽ പ്രവേശിപ്പിച്ചു.

വൈകീട്ട് നാലരയോടെയായിരുന്നു അപകടം. അമിത വേഗതയിലെത്തിയ കാർ നിയന്ത്രണം നഷ്ടപ്പെട്ട് ഓട്ടോയിൽ ഇടിക്കുകയായിരുന്നു.

പരിക്കേറ്റവരെ ആശുപത്രിയിലെത്തിച്ചെങ്കിലും അപ്പോഴെക്കും മരിച്ചിരുന്നു. രണ്ടുപേരുടെയും മൃതദേഹം കായംകുളം താലൂക്ക് ആശുപത്രിയിലെ മോർച്ചറിയിലേക്ക് മാറ്റിയിട്ടുണ്ട്.