രണ്ടു മലയാളി യുവതികൾ ഓസ്ട്രേലിയയിലെ സിഡ്‌നിയിൽ കടലിൽ വീണു മരിച്ചു ; മരിച്ചത് കണ്ണൂർ, കോഴിക്കോട് സ്വദേശികൾ

കണ്ണൂർ: ഓസ്ട്രേലിയയിലെ സിഡ്‌നിയിൽ രണ്ടു മലയാളി യുവതികൾ കടലിൽ വീണു മരിച്ചു

കണ്ണൂർ നടാൽ നാറാണത്ത് പാലത്തിനു സമീപം ഹിബയിൽ മർവ ഹാഷിം (35), കോഴിക്കോട് കൊളത്തറ നീർഷ ഹാരിസ് (ഷാനി 38) എന്നിവരാണ് മരിച്ചത്.

കൂടെയുണ്ടായിരുന്ന നീർഷയുടെ സഹോദരി റോഷ്‌ന പരുക്കുകളോടെ രക്ഷപ്പെട്ടു.

ഇന്നലെ പ്രാദേശിക സമയം വൈകിട്ടു 4.30ന് ആയിരുന്നു അപകടം.

സിഡ്‌നി സതർലൻഡ് ഷെയറിലെ കർണേലിൽ അവധിയാഘോഷത്തിന് എത്തിയതായിരുന്നു ഇവർ.പാറക്കെട്ടിലിരുന്നപ്പോൾ തിരമാലകൾ വന്നടിച്ച് മൂന്നുപേരും പാറക്കെട്ടുകൾക്കിടയിലൂടെ കടലിൽ വീഴുകയായിരുന്നു റോഷ്‌ന പരുക്കുകളോടെ രക്ഷപ്പെട്ട് മറ്റുള്ളവരെ വിവരം അറിയിക്കുകയായിരുന്നു.