40കാ​രി​യായ വ​നി​ത ഫോ​റ​സ്റ്റ് ഗാ​ർ​ഡി​നെ ഓ​ട്ടോറിക്ഷ​യി​ൽ ത​ട്ടി​ക്കൊ​ണ്ടു​പോ​കാ​ൻ ശ്രമം; ര​ക്ഷ​പ്പെ​ടാ​നു​ള്ള ശ്ര​മ​ത്തി​നി​ടെ ഉദ്യേഗസ്ഥയ്ക്ക് പരിക്ക്; 21 കാരൻ പോലീസ് പിടിയിൽ

സ്വന്തം ലേഖകൻ

കു​മ​ളി: വ​നി​ത ഫോ​റ​സ്റ്റ് ഗാ​ർ​ഡി​നെ ഓ​ട്ടോറിക്ഷ​യി​ൽ ത​ട്ടി​ക്കൊ​ണ്ടു​പോ​കാ​ൻ ശ്രമിച്ച കേസിൽ യുവാവ് അറസ്റ്റിൽ. തേ​നി​യി​ൽ ഫോ​റ​സ്റ്റ​റി ട്രെ​യി​നി​ങ്​ ക്യാ​മ്പി​ൽ പ​ങ്കെ​ടു​ക്കാനെത്തിയ 40കാ​രി​യെയാണ് ഓ​ട്ടോ ഡ്രൈ​വ​ർ പെ​രി​യ​കു​ളം നോ​ർ​ത്ത് വ​ട​ക​രൈ ന​വ​നീ​ത കൃ​ഷ്ണ​ൻ(21) തട്ടിക്കൊണ്ടുപോകാൻ ശ്രമിച്ചത്. ര​ക്ഷ​പ്പെ​ടാ​നു​ള്ള ശ്ര​മ​ത്തി​നി​ടെ വീ​ണ് പ​രി​ക്കേ​റ്റ വനിതയെ തേ​നി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

അ​റ​സ്റ്റി​ലാ​യ ന​വ​നീ​ത കൃ​ഷ്ണ​ൻ നി​ര​വ​ധി പോ​ക്സോ കേ​സുകളിൽ പ്ര​തി​യാ​യി ഗു​ണ്ടാ ച​ട്ട പ്ര​കാ​രം ജ​യി​ലി​ൽ ക​ഴി​ഞ്ഞ ആ​ളാണെന്ന് പൊ​ലീ​സ് പ​റ​ഞ്ഞു.ചൊ​വ്വാ​ഴ്ച പു​ല​ർ​ച്ച മൂ​ന്നി​ന് തേ​നി ജി​ല്ല​യി​ലെ പെ​രി​യ​കു​ള​ത്താ​ണ് സം​ഭ​വം. വൈ​ഗ ഡാം ​ഏ​രി​യ​യി​ലെ ഫോ​റ​സ്​​ട്രി ട്രെ​യി​നി​ങ് കോ​ള​ജി​ൽ ഗാ​ർ​ഡു​ക​ളു​ടെ മൂ​ന്നു​ദി​വ​സ​ത്തെ പ​രി​ശീ​ല​ന​ത്തി​ൽ പ​ങ്കെ​ടു​ക്കാ​ൻ എ​ത്തി​യ​താ​യി​രു​ന്നു വ​നി​ത ഗാ​ർ​ഡ്.

ധ​ർ​മ​പു​രി ജി​ല്ല​യി​ലെ അ​രൂ​ർ സ്വ​ദേ​ശി​നി​യാ​യ ഇ​വ​ർ യാ​ത്ര ചെ​യ്ത ബ​സ് പെ​രി​യ​കു​ളം സ്റ്റാ​ൻ​ഡി​ൽ ക​യ​റാ​തെ തേ​നി റോ​ഡി​ലെ മു​ന​ന്ത​ൽ ബ​സ് സ്റ്റോ​പ്പി​ലാ​ണ്​ നി​ർ​ത്തി​യ​ത്. ഇ​തോ​ടെ ബ​സി​ൽ​നി​ന്ന്​ ഇ​റ​ങ്ങി​യ ഇ​വ​ർ ബ​സ്​ സ്റ്റാ​ൻ​ഡി​ലേ​ക്ക് പോ​കാ​ൻ ഓ​ട്ടോ​റി​ക്ഷ കാ​ത്തു​നി​ന്നു. ഇ​തേ ക്യാ​മ്പി​ൽ പ​ങ്കെ​ടു​ക്കാ​ൻ സേ​ലം ജി​ല്ല​യി​ൽ​നി​ന്നു​ള്ള സ്വാ​മി​വേ​ൽ എ​ന്ന ഫോ​റ​സ്റ്റ് ഗാ​ർ​ഡും എ​ത്തി. ഇ​രു​വ​രും ഓ​ട്ടോ​യി​ൽ യാ​ത്ര ചെ​യ്യു​ന്ന​തി​നി​ടെ​യാ​ണ് ത​ട്ടി​ക്കൊ​ണ്ടു​പോ​ക​ൽ ശ്ര​മം ന​ട​ന്ന​ത്.

പെ​രി​യ​കു​ളം ബ​സ് സ്റ്റാ​ൻ​ഡി​ലേ​ക്ക്​ പോ​കാ​ൻ നി​ർ​ദേ​ശം ന​ൽ​കി​യെ​ങ്കി​ലും ഓ​ട്ടോ പെ​രി​യ​കു​ളം സ്റ്റാ​ൻ​ഡി​ലേ​ക്ക്​ പോ​കാ​തെ ഇ​രു​വ​രെ​യും കൊ​ണ്ട് ഊ​ടു​വ​ഴി​യി​ലേ​ക്ക് ക​യ​റി. തുടർന്ന് താ​മ​ര​ക്കു​ളം, ല​ക്ഷ്മി​പു​രം വ​ഴി തേ​നി കോ​ട​തി പ​ടി​ക്ക് സ​മീ​പം വ​ര​ട്ട​യാ​ർ ഭാ​ഗ​ത്തേ​ക്ക്​ പോ​യി.

സം​ശ​യം തോ​ന്നി​യ​തോ​ടെ സ്വാ​മി​വേ​ൽ ഓ​ട്ടോ നി​ർ​ത്താ​ൻ ആ​വ​ശ്യ​പ്പെ​ട്ടു. ഓ​ട്ടോ നി​ർ​ത്തി സ്വാ​മി​വേ​ൽ ഇ​റ​ങ്ങി​യ നേ​രം വ​നി​ത ഗാ​ർ​ഡു​മാ​യി ഓ​ട്ടോ ക​ട​ന്നു​ക​ള​ഞ്ഞു. ഓ​ട്ടോ​യി​ൽ​നി​ന്ന്​ ചാ​ടി ര​ക്ഷ​പ്പെ​ടാ​നു​ള്ള ശ്ര​മ​ത്തി​നി​ടെ​ വ​നി​ത ഗാ​ർ​ഡി​ന്​​ റോ​ഡി​ൽ വീ​ണ് പ​രി​ക്കേൽക്കുകയായിരുന്നു.