പാലത്തിലൂടെ വാഹനങ്ങള്‍ കടത്തിവിടുന്നതിനെ ചൊല്ലി തര്‍ക്കം; അന്വേഷിക്കാനെത്തിയ പൊലീസിന് മര്‍ദനം; ആറുപേര് റിമാന്‍ഡിൽ

സ്വന്തം ലേഖകൻ

എരുമേലി: പാലത്തിലൂടെ വാഹനങ്ങള്‍ കടത്തിവിടുന്നതിനെ ചൊല്ലിയുള്ള തര്‍ക്കം അന്വേഷിക്കാനെത്തിയ പൊലീസിന് മര്‍ദനം.

സംഭവവുമായി ബന്ധപ്പെട്ട് ആറുപേരെ പൊലീസ് അറസ്​റ്റ്​ ചെയ്തു.

പ്രളയത്തില്‍ തകര്‍ന്ന ചേനപ്പാടി കടവനാല്‍ കടവ് പാലത്തിലൂടെ വാഹനങ്ങള്‍ കടത്തിവിടുന്നതിനെ ചൊല്ലി തര്‍ക്കം ഉണ്ടായപ്പോള്‍ എസ്.ഐ അനീഷി​ന്റെ നേതൃത്വത്തില്‍ പൊലീസ്​ എത്തി.

ഇതിനിടെ ആറംഗസംഘം കൃത്യനിര്‍വഹണത്തിന് തടസ്സം നില്‍ക്കുകയും മര്‍ദിച്ചെന്നും പൊലീസ് പറഞ്ഞു.

ചേനപ്പാടി സ്വദേശികളായ അനന്തു എസ്. നായര്‍, ജോസുകുട്ടി, പ്രദീപ്, രാഹുല്‍, ജിനേഷ്, അനന്തു എന്നിവരാണ്​ അറസ്​റ്റിലായത്​. കോടതി ഇവരെ റിമാന്‍ഡ്​ ചെയ്തു.