അസം: വീണ്ടും രാജ്യത്ത് എച്ച് എം പി വി. അസാമിലാണ് എച്ച് എം പി വി സ്ഥിരീകരിച്ചു. രോഗബാധ കണ്ടെത്തിയത് 10മാസം പ്രായമുള്ള കുഞ്ഞിനാണ്. വാര്‍ത്ത ഏജന്‍സിയായ പി.ടി.ഐ റിപ്പോര്‍ട്ട് ചെയ്യുന്നു.ദിബ്രുഗ്രാഹിലെ അസം മെഡിക്കല്‍ കോളജ് ആശുപത്രിയിലാണ് കുഞ്ഞ് ചികിത്സയിലുള്ളത്.
സാധാരണ പരിശോധനക്കിടെയാണ് രോഗബാധ സ്ഥിരീകരിച്ചത്. പുതിയ വൈറസല്ല എച്ച്.എം.പി.വി. അതിനാല്‍ ആശങ്കക്ക് വകയില്ലെന്നും ആശുപത്രിയിലെ സീനിയര്‍ ഡോക്ടര്‍ അറിയിച്ചു.
ജലദോഷ ലക്ഷണങ്ങളോടെയാണ് കുഞ്ഞിനെ ആശുപത്രിയില്‍ പ്രവേശിപ്പിച്ചത്.നാല് ദിവസം മുൻപാണ് കുട്ടിക്ക് രോഗലക്ഷണങ്ങള്‍ തുടങ്ങിയതെന്ന് ഡോ.ധ്രുബജ്യോതി ബുഹുയാന്‍ പറഞ്ഞു.
Whatsapp Group 1 | Whatsapp Group 2 |Telegram Group
ആരോഗ്യസ്ഥിതിയില്‍ ആശങ്ക വേണ്ടെന്ന് ആശുപത്രി അധികൃതര്‍ അറിയിച്ചു. ലാഹോവാലിലെ ലാബില്‍ നടത്തിയ പരിശോധനയിലാണ് രോഗം കണ്ടെത്തിയത്. 2014ന് ശേഷം 110 എച്ച്.എം.പി.വി കേസുകളാണ് കണ്ടെത്തിയത്. ഈ സീസണിലെ ആദ്യ കേസാണിത്.
