അസമില്‍ 5.9 തീവ്രത രേഖപ്പെടുത്തിയ ഭൂചലനം; പ്രകമ്പനം ഭൂട്ടാനിലും വടക്കൻ ബംഗാളിലും; ആളുകള്‍ വീട്ടില്‍ നിന്ന് ഇറങ്ങിയോടി

ഗുവാഹാട്ടി: അസമിലെ ഗുവാഹാട്ടിയില്‍ 5.9 തീവ്രത രേഖപ്പെടുത്തിയ ഭൂചലനം.

വടക്കൻ ബംഗാളിലും അയല്‍രാജ്യമായ ഭൂട്ടാനിലും പ്രകമ്പനം അനുഭവപ്പെട്ടു.
ആളപായമോ വസ്തുവകകള്‍ക്ക് നാശനഷ്ടമോ സംഭവിച്ചതായി റിപ്പോർട്ടുകളില്ല.

ഭൂകമ്പത്തിന്റെ പ്രഭവകേന്ദ്രം അസമിലെ ദിഖിയാജുലിക്ക് സമീപമാണെന്ന് കാലാവസ്ഥാ നിരീക്ഷണകേന്ദ്രം സ്ഥിരീകരിച്ചു. ഭൂകമ്പത്തില്‍ പരിഭ്രാന്തരായ പ്രദേശവാസികള്‍ വീടുകളില്‍ നിന്ന് പുറത്തേക്കോടി.

സെപ്റ്റംബർ രണ്ടിന് അസമിലെതന്നെ സോനിത്പുരില്‍ 3.5 തീവ്രത രേഖപ്പെടുത്തിയ ഭൂചലനമുണ്ടായിരുന്നു.