ആശ്രയയിൽ ഡയാലിസിസ് കിറ്റ് വിതരണവും ചികിത്സാ ധനസഹായവും നൽകി; ഡോ. ജയകുമാർ ടി.ആർ ഉദ്ഘാടനം നിർവഹിച്ചു

സ്വന്തം ലേഖക

ഗാന്ധിനഗർ: ആശ്രയ ചാരിറ്റബിൾ ട്രസ്റ്റിന്റെ ആഭിമുഖ്യത്തിൽ എല്ലാ മാസവും നടത്തിവരുന്ന ഡയാലിസിസ് കിറ്റും, ധനസഹായവും ഈ മാസം ആർദ്രത ഫെലോഷിപ്പും ആശ്രയയും ചേർന്ന് 148 വൃക്കരോഗികൾക്ക് നൽകി.

ആശ്രയയുടെ സെക്രട്ടറി ഫാ.ജോൺ ഐപ്പ് അദ്ധ്യക്ഷത വഹിച്ച യോഗത്തിൽ ഡോ. ജയകുമാർ ടി.ആർ (സൂപ്രണ്ട് മെഡിക്കൽ കോളജ് )കിറ്റ് വിതരണ ഉദ്ഘാടനം ചെയ്തു.

റവ. ഫാ.മാണി പുതിയിടം (വികാരി കുടമാളൂർ മേജർ ആർക്കി എപ്പിസ്കോപ്പൽ ചർച്ച്), എ കെ ശ്രീകുമാർ (ചീഫ് എഡിറ്റർ തേർഡ് ഐ ന്യൂസ്), എം.സി. ചെറിയാൻ, സിസ്റ്റർ ശ്ലോമ്മോ എന്നിവർ ആശംസകൾ അർപ്പിച്ചു.

എല്ലാ മാസവും ഡയലിസിസ് കിറ്റ് നൽകുന്നതിന് സാമ്പത്തിക സഹായം നൽകുന്ന എല്ലാവരെയും സ്നേഹപൂർവ്വം ഓർക്കുന്നു.