തിരുവനന്തപുരം: ബസില് വെച്ച് യുവതി പകർത്തിയ വീഡിയോയെത്തുടർന്നുണ്ടായ സൈബർ ആക്രമണത്തില് മനംനൊന്ത് കോഴിക്കോട് സ്വദേശി ദീപക് ആത്മഹത്യ ചെയ്ത സംഭവം കേരളത്തെയാകെ കണ്ണീരിലാഴ്ത്തിയിരിക്കുകയാണ്.
ഈ സാഹചര്യത്തില്, സ്ത്രീകള് നല്കുന്ന വ്യാജ പരാതികള് പുരുഷന്മാരുടെ ജീവിതം എങ്ങനെ തകർക്കുന്നു എന്ന് പ്രമേയമാക്കിയ ആസിഫ് അലി ചിത്രം ‘ആഭ്യന്തര കുറ്റവാളി’ വീണ്ടും ചർച്ചകളില് നിറയുന്നു.
2025 ജൂണില് പുറത്തിറങ്ങിയ ഈ ചിത്രത്തിലെ നായകനായ സഹദേവൻ കോടതിയില് നടത്തുന്ന വൈകാരികമായ പ്രസംഗമാണ് ഇപ്പോള് ദീപക്കിന്റെ മരണവുമായി ബന്ധിപ്പിച്ച് സോഷ്യല് മീഡിയ പങ്കുവെക്കുന്നത്.
Whatsapp Group 1 | Whatsapp Group 2 |Telegram Group
സൈബർ ലോകത്തെ വിചാരണ ഒരു മനുഷ്യന്റെ ജീവൻ എടുത്തതിനെതിരെ കടുത്ത അമർഷമാണ് പൊതുസമൂഹത്തില് ഉയരുന്നത്.
മകനെ നഷ്ടപ്പെട്ട അമ്മയുടെ സങ്കടം മലയാളികളുടെ ഉള്ളുലയ്ക്കുന്ന കാഴ്ചയായി മാറി. സംഭവത്തില് മനുഷ്യാവകാശ കമ്മീഷൻ ഇതിനോടകം സ്വമേധയാ കേസെടുത്തിട്ടുണ്ട്.
