ദേശീയപാത ഉപരോധിച്ച കേസില് ഷാഫി പറമ്പിലിന് അറസ്റ്റ് വാറന്റ്. പാലക്കാട് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് ഷാഫിയെ അറസ്റ്റ് ചെയ്ത് ഹാജരാക്കാൻ ഉത്തരവിട്ടത്.
പാലക്കാട് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതി(ഒന്ന്) യാണ് ഷാഫിയെ അറസ്റ്റ് ചെയ്ത് ഹാജരാക്കാൻ ഉത്തരവിട്ടത്.
2022 ജൂണ് 24 ന് പാലക്കാട് കസബ പൊലീസ് രജിസ്റ്റർ ചെയ്ത കേസിലാണു നടപടി. വയനാട്ടില് രാഹുല്ഗാന്ധിയുടെ എം.പി. ഓഫീസ് എസ്.എഫ്.ഐ പ്രവർത്തകർ തല്ലിതകർത്തതില് പ്രതിഷേധിച്ചായിരുന്നു 2022 ജൂണ് 24 ന് പാലക്കാട് എം.എല്.എയായിരുന്ന ഷാഫി പറമ്പിലിന്റെ നേതൃത്വത്തില് ദേശീയപാത ഉപരോധിച്ചത്.
Whatsapp Group 1 | Whatsapp Group 2 |Telegram Group
നാല്പ്പതോളം വരുന്ന യൂത്ത് കോണ്ഗ്ര സ് പ്രവർത്തകർ ചന്ദ്രനഗറില് ചെമ്പലോട് പാലത്തിന് സമീപമാണ് ദേശീയപാത ഉപരോധിച്ചത്.
കസബ പൊലീസ് രജിസ്റ്റർ ചെയ്ത കേസില് ഷാഫി പറമ്പിലാണ് ഒന്നാം പ്രതി. അന്ന് യൂത്ത് കോണ്ഗ്രസിന്റെ ഭാഗമായിരുന്ന, നിലവില് ഇടതുപക്ഷത്തേക്ക് മാറിയ പി. സരിൻ കേസില് ഒമ്പതാം പ്രതിയായിരുന്നു. നേരത്തെ കോടതിയില് ഹാജരായ പി. സരിനെ 500 രൂപ പിഴയും കോടതി പിരിയും വരെ തടവിനും ശിക്ഷിച്ചിരുന്നു.
ഷാഫി പറമ്പില് ഹാജരാകാൻ തയ്യാറാകാത്ത സാഹചര്യത്തിലാണ് കോടതി അറസ്റ്റ് വാറന്റ് പുറപ്പെടുവിച്ചത്. 24ന് കേസ് വീണ്ടും പരിഗണിക്കും.
