മലപ്പുറം: മലപ്പുറം കൊണ്ടോട്ടിയില് 153 ഗ്രാം എംഡിഎംഎയും അരലക്ഷം രൂപയും ഇലക്ട്രോണിക് ത്രാസുകളും പിടികൂടിയ കേസില് ഒരാള് കൂടി അറസ്റ്റില്. ഒളിവിലായിരുന്ന പുളിക്കല് സ്വദേശി ശിഹാബുദ്ദീൻ ആണ് പിടിയിലായത്. കോഴിക്കോട്ടുവെച്ച് എംഡിഎംഎ വില്പ്പനക്കിടെ ഇയാളെ മെഡിക്കല് കോളേജ് പൊലീസ് പിടികൂടി ഡാൻസാഫ് ടീമിന് കൈമാറുകയായിരുന്നു.
കേസില് അഞ്ചാം പ്രതിയാണ് ഷിഹാബുദ്ധീൻ. ആറാം പ്രതി കോഴിക്കോട് കൊമ്മേരി സ്വദേശി സുബിനെ കഴിഞ്ഞ ദിവസം കൊണ്ടോട്ടി പോലീസ് പിടികൂടിയിരുന്നു. ഇതുവരെ ആറു പേരാണ് കേസില് പിടിയിലായത്, ഒരാള് കൂടി പിടിയിലാവാനുണ്ട്. ഒക്ടോബർ ആറിന് ഐക്കരപടിയില് വച്ച് നാലുപേരെ പിടികൂടിയിരുന്നു. അവസാന പ്രതിക്കായി പോലീസ് അന്വേഷണം ശക്തമാക്കിയിരിക്കുകയാണ്.
