കണ്ണൂർ : വ്യാജ ഷെയർ ട്രെഡിംഗ് ആപ്പ് തട്ടിപ്പിലൂടെ ഡോക്ടർ ദമ്പതികളുടെ നാലുകോടിയിലധികം രൂപ തട്ടിയെടുത്ത പ്രതികള്‍ പിടിയില്‍. കണ്ണൂർ സെെബർ പൊലീസാണ് ചെന്നെെയില്‍ നിന്ന് പ്രതികളെ അറസ്റ്റ് ചെയ്തത്. തമിഴ്നാട് കാഞ്ചിപുരം സ്വദേശി മെഹബൂബ്, എറണാകുളം സ്വദേശി റിജാസ് എന്നിവരാണ് പിടിയിലായത്. 4,43,25000 രൂപയാണ് രണ്ടുമാസം കൊണ്ട് മട്ടന്നൂരിലെ ഡോക്ടർ ദമ്പതികളിൽ നിന്ന് പ്രതികള്‍ തട്ടിഎടുത്തത്.
രണ്ടുമാസം മുൻപ് പ്രതികള്‍ അപ്‌സ്റ്റോക്സ് എന്ന ഒരു ആപ്പിന്റെ വ്യാജ പതിപ്പുമായി എത്തി ഡോക്ടർമാരെ പരിചയപ്പെട്ടു. സ്റ്റോക് പകുതി വിലയ്ക്ക് വാങ്ങി കൂടുതല്‍ വിലയ്ക്ക് മറിച്ചുവില്‍ക്കാമെന്ന് പറഞ്ഞാണ് പ്രതികള്‍ തട്ടിപ്പ് നടത്തിയത്. കൂടുതല്‍ പണം ആവശ്യപ്പെട്ടപ്പോള്‍ സംശയം തോന്നിയ ദമ്ബതികള്‍ പൊലീസില്‍ പരാതി നല്‍കുകയായിരുന്നു. സംഘത്തിലെ കൂടുതല്‍ പേർക്കായി പൊലീസ് അന്വേഷണം വ്യാപിപ്പിച്ചു.
