എത്ര വിശ്രമിച്ചിട്ടും ക്ഷീണം മാറുന്നില്ലെന്ന തോന്നലുണ്ടോ ; എങ്കിൽ കാരണമിതാണ് 

നമ്മളിൽ പലർക്കും എത്ര വിശ്രമിച്ചിട്ടും ക്ഷീണം മാറുന്നില്ലെന്ന് പരാതി ഉണ്ടായിരിക്കും അല്ലെ.. അത്തരത്തിലുള്ള നിരവധി പേരെ നിങ്ങൾ കണ്ടിട്ടുണ്ടാകും. ഊർജ്ജത്തിന്റെ കുറവാണ് പലപ്പോഴും ക്ഷീണമായി വരുന്നത്. മതിയായ ഉറക്കം ലഭിച്ചതിനു ശേഷവും നമുക്ക് പലപ്പോഴും ക്ഷീണം അനുഭവപ്പെടാറുണ്ട്. അമിത ക്ഷീണം ഉണ്ടാകുന്നതിന് പിന്നിലെ ചില കാരണങ്ങൾ അറിയാം. അമിത ക്ഷീണത്തിന് പിന്നിലെ ചില കാരണങ്ങളെ കുറിച്ചാണ് ഇനി പറയുന്നത്…

ഉയർന്ന രക്തത്തിലെ പഞ്ചസാരയുടെ അളവ് സ്ഥിരമായ ബലഹീനതയുടെ ഒരു കാരണമാണ്. പ്രമേഹം ശരീരത്തിലെ കോശങ്ങളെ നശിപ്പിക്കുകയും ക്ഷീണം, ബലഹീനത, മറ്റ് ലക്ഷണങ്ങൾ എന്നിവയിലേക്ക് നയിക്കുകയും ചെയ്യും.

ശരീരത്തിലെ ചുവന്ന രക്താണുക്കളുടെ അളവ് കുറയുന്ന ആരോ​ഗ്യപ്രശ്നമാണ് വിളർച്ച. വിളർച്ച സംഭവിച്ച ഒരു വ്യക്തിക്ക് ശരീരത്തിൽ രക്തത്തിൽ ആവശ്യത്തിന് ഓക്സിജൻ ഉണ്ടായിരിക്കില്ല. ഇത് തലകറക്കം, ക്ഷീണം, ശ്വാസതടസം എന്നിവയ്ക്ക് കാരണമാകുന്നു.

ചില ആളുകൾക്ക് ഉറങ്ങുമ്പോൾ ശ്വസിക്കാൻ കഴിയാത്ത രോഗമാണ് സ്ലീപ് അപ്നിയ. ഇത് ദിവസം മുഴുവൻ ക്ഷീണം അനുഭവപ്പെടുന്നതിന് കാരണമാകുകയും ചെയ്യുന്നു.

ഹൈപ്പോതൈറോയിഡിസം (അണ്ടർആക്ടീവ് തൈറോയ്ഡ്), ഹൈപ്പർതൈറോയിഡിസം (ഓവർ ആക്ടീവ് തൈറോയ്ഡ്) എന്നിവയുൾപ്പെടെയുള്ള തൈറോയ്ഡ് തകരാറുകൾ ബലഹീനതയ്ക്കും ക്ഷീണത്തിനും മറ്റ് ലക്ഷണങ്ങൾക്കും കാരണമാകും.

അസ്ഥികൾക്കും സന്ധികൾക്കും ഉണ്ടാവുന്ന ബലഹീനതയ്ക്കും പേശികളുടെ ക്ഷീണത്തിനും മറ്റ് ലക്ഷണങ്ങൾക്കും വിറ്റാമിനുകളുടെ കുറവ് കാരണമാകും. ഇത് എല്ലുകളുടെയും സന്ധികളുടെയും ബലഹീനതയ്ക്കും പേശികളുടെ ക്ഷീണത്തിനും ഇത് കാരണമാകുന്നു.