അനവധി കമ്പനികൾ; നിരവധി അവസരങ്ങൾ; പ്രധാനമന്ത്രി ദേശീയ അപ്രന്റിസ് മേള 13 ന്
സ്വന്തം ലേഖകൻ
എറണാകുളം: കേന്ദ്ര -സംസ്ഥാന സര്‍ക്കാരുകളുടെ മേല്‍ നോട്ടത്തില്‍ എറണാകുളം ജില്ലയില്‍ പ്രധാനമന്ത്രി ദേശീയ അപ്രന്റിസ് മേള ഫെബ്രുവരി 13 ന് നടത്തും.രാവലെ ഒമ്പതു മുതല്‍ കളമശ്ശേരി ആര്‍ ഐ സെന്ററിലാണ് മേള നടത്തുന്നത്.
ട്രേഡ് അപ്രന്റിസുകളെ തെരഞ്ഞെടുക്കുന്ന കേന്ദ്ര – സംസ്ഥാന സര്‍ക്കാര്‍, സഹകരണ, സ്വകാര്യ മേഖലയിലെ വ്യവസായ, വാണിജ്യ, സേവന സ്ഥാപനങ്ങള്‍, പൊതു മേഖലാ സ്ഥാപനങ്ങള്‍ എന്നിവ ജില്ലാ അപ്രന്റിസ്ഷിപ് ട്രെയിനിങ് ഓഫീസ് ആയ കളമശ്ശേരി ആര്‍ ഐ സെന്ററുമായി 0484 2555866/ 9446326442 / 9846942202 / 9446945175 എന്നീ നമ്പറുകളില്‍ ബന്ധപ്പെടാം.
Whatsapp Group 1 | Whatsapp Group 2 |Telegram Group
എച്ച്‌എംടി, ഫാക്‌ട്, നിഫ്പാറ്റ് (NIFPHAT,) നെസ്റ്റ്, കെല്‍, ടിസിസി, ടെല്‍ക്ക്, കെഡബ്ല്യുഎ , സര്‍വെ, കാംകോ എയര്‍പോര്‍ട്ട്, കോക്കനട്ട് ഡവലപ്മെന്‍റ് ബോര്‍ഡ് തുടങ്ങി രജിസ്റ്റര്‍ ചെയ്തിട്ടുള്ള 30 സ്ഥാപനങ്ങള്‍ പങ്കെടുക്കും. കൂടാതെ മേളയില്‍ പങ്കെടുക്കാന്‍ മറ്റ് സ്ഥാപനങ്ങള്‍ക്കും ട്രെയിനികള്‍ക്കും www.apprenticeshipindia.gov.in എന്ന പോര്‍ട്ടലില്‍ രജിസ്റ്റര്‍ ചെയ്യാം.
മേളയില്‍ പങ്കെടുക്കുന്ന സ്ഥാപനങ്ങള്‍ ഒഴിവു വിവരങ്ങള്‍ ഫെബ്രുവരി 12- നകം [email protected] ഇ മെയില്‍ മുഖേന അറിയിക്കാം.10-ാം ക്ലാസ് പാസ്/ഫെയില്‍, സ്റ്റെനോ, പെയിന്‍റര്‍, കോപ്പ, സര്‍വെ കാര്‍പ്പെന്‍റര്‍, വെല്‍ഡര്‍, ഫിറ്റര്‍, മെഷീനിസ്റ്റ്, ഇലക്‌ട്രീഷ്യന്‍, പ്ലംബര്‍, എംഎംവി, ഇ/മെക്ക് കൂടാതെ മറ്റനേകം ട്രേഡുകാർക്കും പത്താം ക്ലാസ്സ് ജയിച്ചവരും തോറ്റവരും ഉള്‍പ്പെടെയുള്ളവർക്കും മേള നടക്കുന്ന ദിവസം ആര്‍ഐ സെന്ററില്‍ നേരിട്ട് എത്തി രജിസ്റ്റര്‍ ചെയ്യാം.
