ലഹരിക്കെരിരെ വിവിധ ഏജന്‍സികളും പൊതുജനങ്ങളും കൈകോര്‍ക്കുന്നു; സംസ്ഥാനത്ത് ലഹരി വിരുദ്ധ പ്രചാരണ പരിപാടികള്‍ക്ക് നാളെ തുടക്കം…
സ്വന്തം ലേഖിക
തിരുവനന്തപുരം: സംസ്ഥാന സര്‍ക്കാരിന്‍റെ ലഹരി വിരുദ്ധ പ്രചാരണ പരിപാടികള്‍ക്ക് നാളെ തുടക്കമാകും.
കുട്ടികളിലെ ലഹരി വ്യാപനം വര്ദ്ധിച്ച് വരുന്ന സാഹചര്യത്തില്‍ അത് തടയാനാണ് ഈ പരിപാടി. 1,80,000 അധ്യാപകര്‍ക്ക് അതിന്റെ ഭാഗമായി എക്സൈസും വിദ്യാഭ്യാസ വകുപ്പും ചേര്‍ന്ന് പരിശീലനം നല്‍കിയതായി എക്സൈസ് കമ്മീഷണര്‍ പറഞ്ഞു.
Whatsapp Group 1 | Whatsapp Group 2 |Telegram Group
ലഹരിക്കെരിരെ വിവിധ ഏജന്‍സികളും പൊതുജനങ്ങളും കൈകോര്‍ക്കുന്ന ബൃഹത് പദ്ധതിയാണ് സര്‍ക്കാര്‍ ലക്ഷ്യമിടുന്നത്. ലഹരി ഉപയോഗത്തിലും ലഹരി കടത്തിലുടെയും സംസ്ഥാനത്ത് കുറ്റകൃത്യങ്ങള്‍ ചെയ്യുന്നതില്‍ 25 വയസില്‍ താഴെയുള്ളവരുടെ എണ്ണവും വര്ദ്ധിച്ച് വരുന്ന സാഹചര്യമാണ്. അതിനാല്‍ പൊലീസും- എക്സൈസും മാത്രം വിചാരിച്ചാല്‍ പ്രതിരോധം സാധ്യമാകില്ലെന്ന തിരിച്ചവിലാണ് ജനകീയ ക്യാമ്പയിനിലേക്ക് സര്‍ക്കാര്‍ കടന്നത്.
മുഖ്യമന്ത്രി അധ്യക്ഷനായ സംസ്ഥാനതല സമിതി മുതല്‍ വാര്‍ഡ് തല സമിതി വരെ രൂപീകരിച്ചാണ് പ്രതിരോധ പ്രവര്‍ത്തനങ്ങള്‍ നടത്തുക. വിദ്യാഭ്യാസ സ്ഥാപനങ്ങള്‍ കേന്ദ്രീകരിച്ചാണ് പ്രധാന ബോധവത്കരണം. എക്സൈസ് വകുപ്പിന്റെ ഉണര്‍വും- പൊലീസിന്റെ യോദ്ധാവും സ്കൂള്‍ കോളജ് തലങ്ങളിലും പ്രവര്‍ത്തിക്കും.
വിദ്യാഭ്യാസ വകുപ്പുമായി പരിശീലത്തിനായി പാഠ്യപദ്ധതി തയ്യാറാക്കിയിരുന്നു. 230 അധ്യാപകര്‍ക്ക് ആദ്യഘട്ട പരിശീലനം പൂര്‍ത്തിയാക്കി. ലഹരി ഉപയോഗിക്കുന്ന കുട്ടികളുലുണ്ടാകുന്ന സ്വഭാവ വ്യത്യാസം, ലഹരിമരുന്നുകളെ കുറിച്ചുള്ള അറിവുമെല്ലാം പാഠ്യപദ്ധതിയില്‍ ഉള്‍പ്പെടുത്തിയിരുന്നു.
പരിശീലനം ലഭിച്ച അധ്യാപകര്‍ ഓരോ ജില്ലകളിലെ മറ്റ് അധ്യാപകര പരിശീലിപ്പിച്ചു. അടുത്ത ഘട്ടത്തില്‍ രക്ഷിതാക്കള്‍ക്കും പരിശീലനം നല്‍കും.
ഓരോ സ്കൂളില്‍ നിന്നും തെരഞ്ഞെടുക്കപ്പെടുന്ന അധ്യാപകരെ പരിശീലനം നല്‍കി ലഹരിക്കെതിരായ യോദ്ധാവായി പ്രഖ്യാപിക്കുന്നതാണ് പൊലീസിന്റെ പുതിയ പദ്ധതി. ലഹരിക്കെതിരെ രഹസ്യ വിവരം നല്‍കാനായി ടോള്‍ ഫ്രീ നമ്പറുകളും വാട്സ് ആപ്പ് നമ്പറും തുടങ്ങിയിട്ടുണ്ട്. നാളെ ആരംഭിക്കുന്ന പ്രചാരണ പ്രവര്‍ത്തനങ്ങളെ കുറിച്ച്‌ ഒരു മാസം കഴിഞ്ഞ് സര്‍ക്കാര്‍ വിലയിരുത്തും. മാറ്റങ്ങളോടെ രണ്ടാം ഘട്ടത്തിലേക്ക് കടക്കാനാണ് തീരുമാനം. നാളെ മുഖ്യമന്ത്രിയാണ് സംസ്ഥാനതല ലഹരിവിരുദ്ധ പ്രചാരണ പ്രവര്‍ത്തനങ്ങള്‍ ഉദ്ഘാടനം ചെയ്യുന്നത്.
