കല്ലുകള്‍ക്ക്‌ പകരം റീത്ത് വെച്ച് അങ്കമാലിയിൽ പ്രതിഷേധം; കെ.റെയില്‍ വിവാദത്തിൽ പ്രതിഷേധങ്ങളുയരുന്നു

സ്വന്തം ലേഖകൻ

അങ്കമാലിയില്‍ സില്‍വര്‍ ലൈന്‍ പദ്ധതിക്കെതിരെ പ്രതിഷേധം.കെ-റെയില്‍ സര്‍വേ കല്ലുകള്‍ പിഴുതിമാറ്റിയാണ് സമരസമിതിയുടെ പ്രതിഷേധം.

ത്രിവേണിക്കവലയില്‍ പാടശേഖരങ്ങളിലടക്കം സര്‍വേ കല്ലുകള്‍ വ്യാപകമായി നീക്കി. പ്രകടനമായെത്തിയാണ് പ്രതിഷേധക്കാര്‍ കല്ലുകള്‍ മാറ്റിയത്.സര്‍വേക്കല്ലുകള്‍ പിഴുതെടുത്ത് റീത്ത് വച്ചാണ് പ്രതിഷേധം.

കഴിഞ്ഞ ദിവസവും അങ്കമാലി ത്രിവേണിക്കവലയില്‍ കെ റെയിലിനെതിരെ പ്രതിഷേധം നടന്നിരുന്നു. പാടശേഖരങ്ങളിലടക്കമുള്ള സര്‍വേ കല്ലുകളാണ് നീക്കം ചെയ്തത്.

കോടതി ഇടപെട്ടിട്ടും സര്‍ക്കാര്‍ ജനകീയ പ്രതിഷേധത്തെ കണ്ടില്ലെന്ന് നടിക്കുകയാണെന്ന് സമരസമിതി നേതാക്കള്‍ വ്യക്തമാക്കി.