ഓട്ടോയിൽ കടത്താൻ ശ്രമിച്ച രണ്ട് കിലോ കഞ്ചാവുമായി അഞ്ചലിൽ യുവതി പിടിയിൽ

കൊല്ലം : അഞ്ചലില്‍ ഓട്ടോയില്‍ കടത്താൻ ശ്രമിച്ച രണ്ടു കിലോ കഞ്ചാവുമായി യുവതിയെ അഞ്ചല്‍ പോലീസ് അറസ്റ്റ് ചെയ്തു.

അഞ്ചല്‍ കുകോണ്‍ സ്വദേശിനി ജമീല ബീവിയെയാണ്‌ രണ്ടു കിലോ കഞ്ചാവുമായി ഡാൻസാഫ് ടീമും അഞ്ചല്‍ പോലീസും സംയുക്തമായി പിടികൂടിയത്.

വ്യാഴാഴ്ച്ച വൈകിട്ട് 6 മണിയോടു കൂടിയാണ് ഡാൻസാഫ് ടീമും അഞ്ചല്‍ പോലീസും ചേർന്ന് ഓട്ടോയില്‍ കടത്താൻ ശ്രമിച്ച കഞ്ചാവുമായി ജമീലയെ പിടികൂടിയത്.

അഞ്ചലില്‍ നിന്നും ഓട്ടോറിക്ഷ ഓട്ടം വിളിച്ച്‌ ജമീല വാടകയ്ക്ക് താമസിച്ച്‌ വരുന്ന കൈതാടിയിലെ വീട്ടില്‍ നിന്നും കഞ്ചാവുമായി പൊകാവേയാണ് വീടിന് സമീപത്തു വെച്ച്‌ പോലീസ് പിടികൂടിയത്.