സ്വന്തം ലേഖിക
കൊച്ചി :ഗോപി സുന്ദറിനൊപ്പമുള്ള ജീവിതത്തെക്കുറിച്ച്‌ ആദ്യമായി തുറന്നുപറഞ്ഞ് ഗായിക അമൃത സുരേഷ്.ഒരു സ്വകാര്യ ചാനലിലെ റിയാലിറ്റി ഷോയിലൂടെയാണ് ഗായിക അമൃത സുരേഷ് മലയാളികള്‍ക്ക് പ്രിയങ്കരിയായത്.അമൃതയുടെയും സഹോദരിയുടെയും ‘അമൃതം ഗമയ’ എന്ന സംഗീത ബാന്‍ഡിനും ആരാധകരേറെയാണ്. സോഷ്യല്‍ മീഡിയയിലൂടെ തന്റെ കുടുംബ വിശേഷങ്ങളൊക്കെ ഗായിക പങ്കുവയ്ക്കാറുണ്ട്.
അടുത്തിടെയാണ് സംഗീത സംവിധായകന്‍ ഗോപി സുന്ദറുമായുള്ള പ്രണയത്തെക്കുറിച്ച്‌ അമൃത സുരേഷ് വെളിപ്പെടുത്തിയത്. ഗോപി സുന്ദറുമായുള്ള ജീവിതത്തെക്കുറിച്ച്‌ വെളിപ്പെടുത്തിയിരിക്കുകയാണ് ഗായികയിപ്പോള്‍.
Whatsapp Group 1 | Whatsapp Group 2 |Telegram Group
‘സുഖമായിട്ടിരിക്കുന്നു. സന്തോഷമായിട്ടിരിക്കുന്നു. ലൈഫില്‍ ഇപ്പോള്‍ മ്യൂസിക് ഉണ്ട്. ഞാനൊരു സംഗീത ഫാമിലിയിലാണ് ജനിച്ചതും വളര്‍ന്നതുമൊക്കെ. ഇപ്പോള്‍ തിരിച്ച്‌ ഒരു മ്യൂസിക്കല്‍ ഫാമിലിയിലേക്ക് കേറിയൊരു ഫിലീംഗാണ്. രാവിലെ എഴുന്നേല്‍ക്കുമ്ബോഴായാലും, കേള്‍ക്കുന്നതും, കാണുന്നതും, ട്രാവല്‍ ചെയ്യുമ്ബോള്‍ സംസാരിക്കുന്നതൊക്കെ മ്യൂസിക്കിനെക്കുറിച്ചാണ്.’
പാട്ടുകള്‍ എനിക്ക് പറഞ്ഞുതരുന്നു. കറക്‌ട് ചെയ്ത് തരുന്നു. ഹെല്‍പ് ചെയ്യുന്നുണ്ട്. സമാധാനം ഉണ്ട്. എന്റെ കൂടെയുള്ളയാളും മ്യുസിഷനാണ്. നമുക്ക് ഒരുപാട് കാര്യങ്ങള്‍ പഠിക്കാനുണ്ട്. സംശയങ്ങള്‍ ഉണ്ടെങ്കില്‍ വീട്ടില്‍ അച്ഛനോട് ചോദിക്കുന്നത് പോലെ ചോദിക്കാം.’- അമൃത സുരേഷ് പറഞ്ഞു.
