അമ്പലപ്പുഴയിൽ എം ഡി എം എ യുമായി വണ്ടാനം സ്വദേശികളായ രണ്ടു യുവാക്കൾ പിടിയിൽ

ആലപ്പുഴ :അമ്പലപ്പുഴയിൽ എം ഡി എം എയുമായി രണ്ടുപേർ പിടിയിൽ.അമ്പലപ്പുഴ കുറവൻതോട്, ഇരുച​ക്രവാഹനത്തിൽ വിൽപനക്കെത്തിച്ച എം ഡി എം എയുമായി രണ്ടുയുവാക്കൾ പിടിയിൽ. അമ്പലപ്പുഴ വണ്ടാനം കണ്ണങ്ങേഴം വീട്ടിൽ അസറുദ്ദീൻ (23), സെയ്ഫുദ്ദീൻ (24) എന്നിവരെയാണ്​ എക്സൈസ്​ സംഘം പിടികൂടിയത്​.

രണ്ടര ഗ്രാം എം ഡി എം എ ഇവരിൽ നിന്ന് കണ്ടെടുത്തു.നാർക്കോർട്ടിക്​ സ്​പെഷൽ ഡ്രൈവിന്‍റെ ഭാഗമായി ആലപ്പുഴ എക്​സൈസ്​ റേഞ്ച്​ ഇൻസ്​പെക്ടർ എസ്​ സതീഷും സംഘവും ചേർന്ന്​ നടത്തിയ പരിശോധനയിലാണ്​ ഇവർ പിടിയിലായത്​.